Esaia 23:1 - Tosi Tapu

¹ Folafola a le Atua ki Tile. Kotou fetagisi, koutou ko vaka o Talesisi ! Talie kua maumau a Tile : e leaise koi toe se fale ! e leaise koi maua se matapa ! Na kaku mai le logo kia latou mei le fenua o Kitimi.

Esaia 23:1 ပူးပေါင်းရင်းမြစ်များ

Senesi 10:4

Ko vosa o Savani : Ko Eliseka, mo Talasisi, mo Kitimi, mo Totanimi.

Uluaki tosi o Sau 10:22

Talie na maua e le sau ni vaka i le tai ala na ano ki Talesisi mo vaka o Ilame ; ti na toe liliu mai loa a vaka mei Talesisi i fetuu tolu fuli, mo ni uta ko aulo, mo siliva, mo lei, mo geli, ti mo manu lele fulumalilie.

Uluaki tosi o Sau 22:48

I le temi lena na leai se sau i Etome : ko se kovana leia na pule i ai.

Uluaki tosi o Sau 5:1

Na kakau loa e Ilame, sau o Tile, ana tagata fakasausau kia Salomone, talie na logo loa a ia kua fakanofo Salomone ko le sau o fetogi lona tamana, talie na alofa tuumau a ia kia Tavite.

Lua tosi o Koloniko 9:21

Talie na ano ni folau a le sau ki Talesisi o fakatasi mo tagata fakasausau a Ilame ; ti na au tua tasi i fetuu e tolu mei Talesisi ni vaka kua apele i le aulo, mo le siliva, mo le lei, mo ni geli, ti mo ni manu lele.

Pesalemo 48:7

I ai na maua loa latou e se lulu, Ofaipe le fafine tinae leia na laga lona ganea.

Esaia 15:8

Talie kua takatakai e tagi le fenua katoa o Moape ; Kua logo ana tagi laulau o kaku ki Ekalaime ; Kua logo ana tagi laulau o kaku ki Peele-Elimi.

Esaia 2:16

Ki vaka faikoloa fuli o Talesisi, Ti mo nea fuli ala e fulumalie ki le mata.

Esaia 23:12

Na pati a ia : Taine o Sitone, taupoou kua maumaui ! E leaise ke toe fakafiafia loa. Ti kapau e ke tuu loa ki aluga, o ano ki le fenua o Kitimi, E leaise ke maua ai foki se maloloaga.

Esaia 23:6

Kotou fakalaka ki Talesisi, Kotou tagi laulau, koutou ko kakai o le mata tai !

Esaia 24:10

Kua maumau le kolo lavaki ; Ti kua maponopono a fale fuli, e leaise koi ulu ki loto.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Selemia 2:10

Kotou ano ki atu motu o Kitimi, ti kotou tio ! Kotou kakau se tasi ki Ketale, ti kotou fakakaukau, Ti kotou tio pe lotou tatau mo koutou !

Selemia 25:15

Talie na masau mai kiate au le Eteleno, le Atua o Iselaele, o pati : Too i loku lima le ipu leinei kua apele i le vino o loku sausau, Ti ke fakainu a ia ki atu puleaga fuli Ala e kau kakau loa a koe ki ai.

Selemia 25:22

Ki sau fuli o Tile, mo sau fuli o Sitone, Ti mo sau fuli o atu motu o leia fetuu o le tai ;

Selemia 47:4

Talie kua soko mai le aso leia e maumaui ai loa le kau Filisitini katoa, Ti e tamate ai loa latou fuli ala koi tokoi ki Tile mo Sitone ; Talie e maumaui loa e le Eteleno le kau Filisitini, Mo toetoega o le motu ko Kafetoli.

Esekiele 26:1

I le kau agafulu tupu tasi o fetuu, i le uluaki aso o le masina, na tuku mai loa kiate au le folafola a le Eteleno, o pati :

Esekiele 26:2

Vosa o le tagata, o tupu na pati Tile ki Selusalemi : Aitoa ! Aitoa ! Kua fati a ia, le matapa o kakai fuli ! E mafuli mai kiate au, E kau apele loa i koloa, kae e toafa loa a ia !

Esekiele 27:30

E lotou tagi leo lasi loa o tupu ko koe, Ti e lotou tagi mamae loa kiate koe ; E lotou laku loa le efu ki olatou ulu, Ti e lotou fuliteka loa i le mugalafu ;

Esekiele 27:6

Na lotou fau ou foe ki le sene o Pasani, Ti na lotou fau ou ekeekeaga ki le lei na gaoi i le sete Ti na aumai mei motu o Kitimi.

Taniela 11:30

E au loa ni vaka mei Kitimi, o taui a ia ; ti e loto gaegae loa a ia, o toe liliu. I lona itaita ki le sai maokioki, e leaise nofo noa loa a ia ; kae e toe fulusi loa e ia ona mata kia latou ala e leaise taupau ia loa le sai maokioki.

Sonasi 1:3

Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Numelo 24:24

Kae e au loa ni vaka mei Kitimi, E lotou fakamamae loa le kau Asilia, e lotou fakamamae loa le Epeleo ; Ti e toe maumaui loa mo ia foki.

Luka 10:13

Malaia kiate koe, Kolasini ! Malaia kiate koe, Petesaita ! Talie kanapau na fai i Tile mo Sitone a milakulo ala na fai i loto malie o kolua, kua fualoa ake lola fakasemala, o too le taga mo le mugalafu.

Sosue 19:29

Ti na maliu loa a ia ki Lama o kaku ki le kolo tau ko Tile, ti mo Osa, o kaku loa ki le tai Metitelanea, i le fenua o Akesipe.