Esaia 22:5 - Tosi Tapu

⁵ Talie i le aso nei, kua tuku mai kia matou e le Aliki, le Eteleno o kau tau, Le mamae, mo le lava, ti mo le luma. I le vaivailiua o tio kua maumaui a paa, Ti kua kaku a tagi fakaaloalofa ki le mauga.

Esaia 22:5 ပူးပေါင်းရင်းမြစ်များ

Lua tosi o Sau 19:3

Ti na lotou pati loa kia Esaia : Ko leinei le masau a Esekiasi : Ko le aso leinei ko se aso o le mamae, mo le tautea, ti mo le luma ; talie kua vave vilo fua a toe mei manava o olatou tinana, kae e leaise maua se makeke ke fanaui ai latou.

Lua tosi o Sau 25:10

Na maumaui loa e le solia katoa a le kau Kaletea, leia na ano mo le pule o le kau leo, a paa takatakai o Selusalemi.

Esitele 3:15

Na ano fakatavili loa le kau avetosi, o mulimuli ki le fakatotonu a le sau. Na fakasa foki le fono lena i Suse, le kolo mua ; ti na lolotoga inu le sau mo Amane, kae na maveuveu le kolo ko Suse.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 22:1

Folafola a le Atua ki le vaivailiua o tio. Kolea kua soko kiate koe, ke pale ai lou kakai katoa ki ato o fale ?

Esaia 25:10

Talie e malolo le lima o le Eteleno i le mauga leinei ; Ti kua takatakafi a Moape i lona tuuaga, Ofaipe le takatakafi o ni penu i le popoko penu.

Esaia 37:3

Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Esaia 5:5

E kau fakasa atu loa kia koutou i le lakaga nei Le nea leia ka kau fai loa ki laku vite. E kau tata loa le a laakau, o tupu ke kai a ia e manu ; E kau maumaui loa le a, o tupu ke takatakafi a ia e le fenua.

Esaia 63:3

Na kau takatakafi toka tasi i le tataoaga vino, Ti na leaise se tagata mei atu kakai na kau mo au ; Na kau takatakafi latou i loku ita, Na kau takatakafi latou o lalai i loku sausau ; Na topisi lolatou toto ki oku kofu, Ti na kelekele ai oku kofu fuli.

Esaia 63:6

Na kau takatakafi ni kakai i loku ita, Ti na kau fakaliliu latou ke konana i loku sausau, Ti na kau liligi lolatou toto ki le kele.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Tagi laulau a Selemia 1:5

Kua malo latou na fakamamae ia a ia, kua fimalie ona fili ; Talie kua tuku a ia ki lalo e le Eteleno, O tupu ko le lasi o ana agasala ; Kua saele ana fanau ki le popula i mua o le fili.

Tagi laulau a Selemia 2:2

Na maumaui sala alofa e le Aliki a nofoaga fuli o Sakopo ; Na soloi e ia i lona ita a kolo tau o le taine o Suta, Na tekai e ia latou ki le kele ; Na fakakelekele e ia le puleaga mo ona pule.

Tagi laulau a Selemia 2:8

Na fakapapau le Eteleno ke maumaui a paa o le taine o Sione ; Na fao e ia le afo, ti na leaise too e ia lona lima kae e leikiaise tamatamate fuli latou ; Na tuku e ia ki le mamae a paa mo kaua, Ala na maumau.

Esekiele 7:7

Kakai o le fenua, kua soko lou aso ! Kua au le temi, kua ofi mai le aso, aso o le mamae, Ti e leaise koi sa se kalaga fakafiafia i atu mauga !

Oseo 10:8

Ko ganea tapu o Pete-Aveni, ala na agasala ai Iselaele, e maumaui loa ; E sosomo loa le vao talatala mo le vao sukisuki i olatou aletale. E lotou pati loa ki mauga : Kotou uufi matou ! Ki mauga liliki : Kotou sosolo mai kia matou !

Mikea 7:4

Ko leia e malie ia latou e faipe se laakau talatala, Ko leia e faitotonu ia latou e veli ake i le vao sukisuki. Ko leinei kua ofi mai le aso leia na fakasa e au kau polofeta, le aso o lou tautea. I le aso lena e lotou nofo loa i le luma.

Sofoni 1:15

Ko le aso lena ko se aso o le sausau, Ko se aso o le mamae mo le tuania, Ko se aso o le maveuveu mo le maumau, Ko se aso o le fakapouli mo le pouli, Ko se aso o ao mo kokofu,

Mateo 24:16

Ti ko latou ala e nonofo loa i Sutea ke fesolaki ki mauga ;

Luka 23:30

Ti e pati loa ki mauga : Kotou vivilo mai kia matou ! Ti ki mauga liliki : Taotao matou !