Esaia 22:23 - Tosi Tapu

²³ E kau tutuki fakamaumau loa a ia ofaipe se fao i se ganea makeke, Ti e liliu loa a ia ko se ekeekeaga fakakololia o le fale o lona tamana.

Esaia 22:23 ပူးပေါင်းရင်းမြစ်များ

Esetalasi 9:8

Kae logo ai a nea ana, na alofa kia matou le Eteleno, lomatou Atua, o fakamauli ni iki o matou, ti kua soli mai e ia kia matou se mumuniaga i lona nofoaga tapu, o tupu ke fakamalamai ai omatou mata mo soli mai ai kia matou se malolo i lotolotoga o lomatou popula.

Esitele 10:3

Talie na olo le Sutea ko Maletoseo ki le sau ko Asuelusi. Na mauiga a ia ki mata o le kau Sutea, ti na alofa kiate ia le toka api o ona fetaina. Na afa loa e ia le malie o lona kakai, ti na masau loa a ia ki le fimalie o lona lanu.

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Sopo 36:7

E leaise too e ia ona mata i le kau agatonu ; E fakaekeeke e ia latou ki le ekeekeaga fakasau o fakatasi mo sau, Ti e fakaekeeke e ia latou i ai o lee gato, o tupu ke siki latou ki aluga.

Ekelesiasi 12:11

O tupu na lasi ai le poto o le Ekelesiasi, na ako foki e ia le poto ki le kakai, ti na sivi e ia, mo ului loloto e ia, mo fakatuutuu e ia ni pati fakatata mauke.

Esaia 22:24

E liliu loa a ia ko le tautauaga o le kololia katoa o le fale o lona tamana, O uli malilie mo uli veveli, O ipu liliki fuli, O pesini mo kulo.

Esaia 22:25

I le aso lena, e pati le Eteleno o kau tau, E too loa le fao leia na tutuki fakamaumau i se ganea makeke, Ti e taai loa a ia o vilo ki lalo, Ti e maumau loa le kavega leia na tau i ai, Talie kua folafola le Eteleno.

Sakalia 10:4

E ulu loa meiate ia le fatu agele, meiate ia le fao, meiate ia le kalolo tau, E ulu loa meiate ia a pule tau fuli, fakatasi.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.