Esaia 22:2 - Tosi Tapu

² Kolea kua ke logoa ai, ti kua ke maveuveu ai, A koe ko le kolo fiafia ! E leaise mamate loa ou mate i le seleta, E leaise lotou mamate loa i le tau.

Esaia 22:2 ပူးပေါင်းရင်းမြစ်များ

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 23:7

Pe ko lokoutou kolo lena, leia na fiafia i mua, Leia na fakatuu talu mei fualoa, Leia na ano o nofo i ni fenua mamao ?

Esaia 32:13

I le kele o loku kakai Kua tupu a laakau talatala mo vao sukisuki, I fale fakafiafia fuli O le kolo o le fiafia.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 37:33

Ti ko leinei le folafola a le Eteleno ki le sau o Asilia : E leaise ulu loa a ia ki le kolo leinei, E leaise fana loa e ia ni gasau ki ai, E leaise fakasa loa e ia ki ai ni paletau, E leaise fakatuu loa e ia ni palepale tau ki ai.

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 38:2

E folafola le Eteleno, o pati : Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea e saofaki loa e ia lona mauli ; ti ko lona totogi ko lona mauli, io, e mauli loa a ia.

Selemia 52:6

I le aso iva o le masina fa, na veli ai le oge i le kolo, ti na leaise koi maua se pane ki le kakai o le fenua.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 2:20

Tio, Eteleno, tio pe ko ai leia na ke fai fenaaki ! Pe tonu ke kai e fafine a fua o olatou manava, A toe memea ala e lotou alofa mamae ki ai ? Pe tonu ke tamate a tagata faisakilifisio mo polofeta i le sagatualio o le Aliki ?

Esekiele 22:5

E kakata loa kiate koe latou ala e feofi mo latou ala e mamao, kiate koe leia kua kelekele lou igoa ti kua apele i le mamae.

Sofoni 2:15

Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.