Esaia 22:16 - Tosi Tapu

¹⁶ Pe i ai sau nea i leinei, ti ko ai leia e ke maua ia i leinei, Ke ke kenu ai se tanuma i leinei ? Talie kua kenu e ia sona tanuma i le ganea taualuga, Ti kua ta e ia sona nofoaga i le utu !

Esaia 22:16 ပူးပေါင်းရင်းမြစ်များ

Senesi 50:5

I mua o lona mate, na kole mai kiate au e loku tamana ke kau fakapapau ake kiate ia, o pati : Ko leinei ka kau mate, ke ke tanu loa au i le tanuma leia na kau totogi i le fenua o Kanaane. Koia e kau loto ai ke kau ano ki ai o tanu loku tamana, ti e kau toe liliu mai loa.

Lua tosi a Samuele 18:18

I le temi leia na mauli ai Apesalone, na fakatuu e ia sona fatu fakamanatu i le vaivailiua o le sau ; talie na pati a ia : E leai soku vosa ke taupau ia le fakamanatu o loku igoa. Ti na tuku loa e ia lona igoa totonu ki le fatu lena, leia koi fakaigoa i le aso nei ko le fatu fakamanatu o Apesalone.

Lua tosi o Koloniko 16:14

ti na tanu loa a ia i le tanuma leia na kenu e ia mo ona i le kolo o Tavite. Na fakamoe loa a ia ki se palepale leia na fakaapele ki ni nea fakamanogi mo ni kaloni kesekese na teuteui o mulimuli ki le poto o le tagata fai kaloni, ti na tutu loa kiate ia ni nea fakamanogi o lasi ai.

Sopo 3:14

O fakatasi mo sau mo le kau lalasi o le malama nei, Ala na fakatuu ia kia latou ni tanuma lalasi,

Esaia 14:18

Ko sau fuli o atu puleaga, io, latou fulifuli, Kua malolo i le mauiga, i olatou tanuma.

Esaia 14:19

Kae ko koe, kua ti a koe o mamao i lou tanuma, Ofaipe se toe leia na vilo kua fakalialia, Ofaipe ni tino o ni iki na motumotu i le seleta, Ti na tiaki fakaveliveli ki fatu o le kau ala, Ofaipe se mate na takatakafi e vae i le tau.

Esaia 22:17

Ko leinei, e ti loa a koe e le Eteleno ki mamao ; Ti e takatakai loa e ia a koe ofaipe se fa taula,

Esaia 52:5

I le aso nei, e pati le Eteleno : Kolea e kau fai loa Talie na too noa loku kakai ? Ko latou ala e pule fakamakeke kiate ia e kalaga fia tagata, Ti e lotou lauveli ki loku suafa i le aso katoa.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Mateo 27:60

ti na tuku loa e ia a ia ki se tanuma foou leia na kenu i le utu. Ti na fuli loa e ia se fa fatu fualasi ki mua o le tanuma, ti na ano loa a ia.