Esaia 22:12 - Tosi Tapu

¹² I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Esaia 22:12 ပူးပေါင်းရင်းမြစ်များ

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Neemia 9:9

Na ke tio loa ki le mamae o omatou tamana i Esipito, ti na ke logo loa ki alatou tagi i le tai kula.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Ekelesiasi 3:11

Kua fai e ia a nea fuli ke fulumalie i lona temi totonu. Kua tuku foki e ia ki olatou loto le manatu o le mauli lee gato, logo ai e leaise mafai ke matala le tagata ki le gaoi leia e fai e le Atua mei lona kamataaga o kaku ki lona fakaoki.

Ekelesiasi 3:4

se temi ke tagi ai, ti mo se temi ke kata ai ; se temi ke lauga ai, ti mo se temi ke mako ai ;

Esaia 15:2

Kua pale le kakai o Tiponi ki le fale tapu mo ganea taualuga, o tagi i ai. Kua fai e Moape ni tagi vale ki Nepo mo Metepa : Kua tele a ulu fuli, ti kua koti a kaukava fuli.

Esaia 26:10

Kapau e tuku se kalasia ki le tagata agaveli, e leaise ako e ia le faitotonu, Kae e fai e ia le nea veli i le fenua o le maoki, Ti e leaise tokaga a ia ki le mafimafi o le Atua.

Esaia 29:1

Malaia kia Aliele, kia Aliele ! Le kolo leia na fai e Tavite ko lona nofoaga ! Kotou fakalasi le fetuu ki le fetuu ; Kotou tuku ke sosolo a aso lalasi i fetuu fuli.

Esaia 3:24

E fetogi loa le kaloni ki le namuku ; Ti e fetogi loa le kilipipi ki le maea ; E fetogi loa a lauulu ki ulu tula ; E fetogi loa le taupulupulu lasi ki se taga ikiiki ; Ti e liliu loa a mata fulumalie ko ni mata fefe.

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Esaia 37:1

I le logo a le sau ko Esekiasi ki le nea lena, na sae loa e ia ona kofu, kae na tui loa e ia se taga, ti na ano loa a ia ki le fale o le Eteleno.

Esaia 37:2

Na kakau loa e ia Eliakimi, le pule o le fale o le sau, mo Sepina, le sekalaipe, ti mo le kau matua i le kau tagata faisakilifisio ki le polofeta ko Esaia, vosa o Amotesito. Na lotou kofu fuli ki ni taga.

Esaia 58:3

Kolea le uiga o lamatou sesunio, mo kapau e leaise ke tio mai kia matou ? O le fakamamae omatou laumalie, mo kapau e leaise ke tokaga ki ai ? Ko leinei, i le aso o lokotou sesunio, e kotou fakataga a nea fuli ala e kotou oli ki ai, Ti e kotou fai fakamakeke ki akoutou tagata gaoi fuli.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 16:8

Aua na ke ulu foki ki se fale leia e fai ai se kaitasi, O eke fakatasi mo latou, O kai ti mo inu.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Selemia 7:29

Koti lou lau ulu, ti ke ti a ia ki mamao ; Ke ke pale ki potu taualuga, o fai se tagi laulau ! Talie kua tiaki e le Eteleno Ti kua tulei kese e ia le tautupu leia na fakatupu ia lona sausau.

Esekiele 27:31

E lotou tele loa olatou ulu o tupu ko koe, E lotou tui loa ni taga, Ti e lotou fetagisi loa kiate koe, O tupu ko le mamae o olatou loto Mo lolatou alofa lasi kiate koe.

Taniela 5:1

Na fai loa e le sau ko Pelesatesale se kai lasi ki lana kau lalasi, ko le tino afe, ti na inu loa e ia se vino i olatou mua.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:8

Ke ke tagi laulau, ofaipe le taine taupoou leia e tui ia le taga, O tagi ki le alofaaga o lona temi tupulaga !

Soele 2:12

I le aso nei foki, e pati le Eteleno, Kotou toe liliu mai kiate au i lokoutou loto katoa, Mo ni sesunio, mo ni tagi, ti mo ni tagi laulau !

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Sonasi 3:6

Na kaku loa le nea ki le sau o Ninive ; ti na tuu ake loa a ia i lona ekeekeaga fakasau, o tatala lona taupulupulu, kae tui loa e ia se taga, ti na tonatona loa a ia i le mugalafu.

Mikea 1:16

Kakai o Selusalemi, tele okoutou gutu, koti okoutou ulu, O tupu ko au fanau alofaina ! Tele okoutou ulu ofaipe le akuila, Talie kua lotou ano popula o mamao meia koutou !

Sakopo 5:1

Kia koutou loa, kau mou koloa ! Kotou tagi mo lauga, o tupu ko malaia ala ka au loa kia koutou.