Esaia 22:1 - Tosi Tapu

¹ Folafola a le Atua ki le vaivailiua o tio. Kolea kua soko kiate koe, ke pale ai lou kakai katoa ki ato o fale ?

Esaia 22:1 ပူးပေါင်းရင်းမြစ်များ

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Lua tosi a Samuele 14:5

Na pati loa le sau kiate ia : Kolea le nea leia kua soko kiate koe ? Na tali loa a ia : Ko leinei, ko se lokonui au, kua mate loku avaga !

Lua tosi o Sau 6:28

Ti na pati loa le sau ki le fafine : Kolea e ke mamae ki ai ? Na tali loa le fafine : Na pati mai le fafine leia kiate au : Soli mai lou tama ! E ta kai loa a ia i le aso nei, ti ta kai loa loku tama i apogipogi.

Pesalemo 114:5

Kolea kua soko kiate koe, ei tai, ke ke sola ai ? Kolea kua ke toe liliu ai ki muli, ei Solotane ?

Pesalemo 125:2

E takatakai e ni mauga Selusalemi ; Ti e takatakai foki e le Eteleno lona kakai, I le temi nei o lee gato.

Taagapati 29:18

Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Esaia 13:1

Ko le folafola kikite ki Papilone, leia na fakasa kia Esaia, vosa o Amotesito.

Esaia 15:3

I ala, kua lotou kofu ni taga ; I aluga o fale mo nofoaga fakafenua, Kua lotou sua fuli ni tagi laulau.

Esaia 22:5

Talie i le aso nei, kua tuku mai kia matou e le Aliki, le Eteleno o kau tau, Le mamae, mo le lava, ti mo le luma. I le vaivailiua o tio kua maumaui a paa, Ti kua kaku a tagi fakaaloalofa ki le mauga.

Selemia 19:13

E kelekele loa le fale o Selusalemi mo fale o sau o Suta Ofaipe le ganea o Tofete, Ti mo fale fuli ala e momoli ai le iseso i aluga o ato Ki le kau tau fuli o atu lagi, Ti na fai ai ni lipasio ki ni atua kese.

Selemia 21:13

Ko leinei, e kau mamae kiate koe, Kolo leia e tonatona i le vaivailiua, i aluga o le utu o le toafa, E pati le Eteleno, Kia koutou ala e pati : Ko ai e ifo mai loa kia matou ? Ko ai e ulu loa ki omatou nofoaga ?

Selemia 32:29

E ulu loa ki le kolo leinei le kau Kaletea leia e taui ia a ia, E lotou tutu loa a ia ki le afi, ti e vela loa a ia Mo fale ala na momoli ai le iseso kia Paale i aluga o ato, Ti na fai ai ni lipasio ki ni atua kese, O tupu ke fakatupu ai loku sausau.

Selemia 32:32

O tupu ko le veli katoa leia na fai e fanau o Iselaele mo fanau o Suta, Ke kau itaita ai, Latou, mo olatou sau, mo olatou pule, mo olatou kau tagata faisakilifisio ti mo olatou kau polofeta, Mo tagata o Suta ti mo le kakai o Selusalemi.

Selemia 48:38

I ato o fale fuli o Moape mo ona malae fakafenua, Kua logo ata ki ni tagi laulau, Talie kua kau momoi Moape ofaipe se ipu veli, E pati le Eteleno.

Soele 3:12

Ke alaala a atu puleaga, ti ke lotou pale Ki le vaivailiua o Sosafate ! Talie i lena e kau ekeeke loa o fakamaau a puleaga fuli o tafatafa.

Soele 3:14

Ko se kakai toka api, ko se kakai toka api, I le vaivailiua o le fakamaau. Talie kua ofi le aso o le Eteleno, I le vaivailiua o le fakamaau.

Mikea 3:6

O tupu ko le nea lena, e kotou maua loa le pouli…, ti e leaise kotou toe maua loa se tio ! E kotou maua loa le fakapouli… kae leai ni folafola mei le Atua ! E to loa le laa ki polofeta ana, E fakapouli loa le malama o le ao kia latou.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Mateo 10:27

Ko le nea leia e kau fakasa atu kia koutou i le fakapouli, kotou fakasa a ia i le lauatea ; ti ko le nea leia e fakamusumusui atu ki okoutou taliga, kotou fakasa a ia i le taufufu.

Loma 3:2

E lasi ai le malie i nea fuli ; uluaki na tuku le folafola a le Atua ki le kau Sutea.

Tetelonome 22:8

Kapau e ke fakatuu ia loa se fale foou, e ke fau loa se a leia ke takatakai ia le ato, o tupu ke aua na maligi se toto ki lou fale, mo ka e vilo loa se tasi.

Tuifakamaau 18:23

Na lotou kalaga loa ki vosa o Tane, ala na maliu ake loa o vesili kia Mika : Kolea e ke taukalaga fenaaki ai ?

Uluaki tosi a Samuele 11:5

Ti ko leinei, na toe liliu mai a Saulo mei faisaga i muli o ana pipi, ti na pati loa a ia : Kolea e fetagisi ai le kakai ? Na fakamatala loa kiate ia a masau ala na fai mai e latou mei Sapesi.

Uluaki tosi a Samuele 3:1

Na tausi loa Samuele ki le Eteleno, i mua o Eli. Na masau tasitasiga ai le Eteleno i le temi lena, ti na leaise maua foki ni tio.