Esaia 21:9 - Tosi Tapu

⁹ Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 21:9 ပူးပေါင်းရင်းမြစ်များ

Esaia 13:19

Ti ko Papilone, le teuga o puleaga, Le fia tagataaga o le kau Kaletea, E fai loa pe Sotoma mo Komola, ala na maumaui e le Atua.

Esaia 14:4

E ke too loa le sua leinei ki le sau o Papilone, Ti e ke pati loa : E a koia ! kua puli le tagata tukipo ! Kua gato le popula !

Esaia 2:18

E pupuli loa a taulaatua fuli.

Esaia 21:7

Kapau e tio loa a ia ki se saliote tau leia e toso e ni osi, Mo se fanoga o ni kau asino, mo se fanoga o ni kamelo, Ke tokaga loa le tagata leo, io, ke tokaga lasi loa a ia.

Esaia 47:5

Tonatona fakalologo, ti ke ke ano ki le fakapouli, Taine o le kau Kaletea ! E leaise toe fakaigoa loa a koe ko le fafine aliki o atu puleaga.

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Esaia 48:14

Koutou fuli, kotou fakatasi mai, ti kotou fakalogo ! Ko ai ia latou na fakasa fakatomua ia a nea ana ? Ko leia e alofa ki ai le Eteleno e fakasoko ia loa lona finegalo ki Papilone, Ti e mamafa loa lona lima ki le kau Kaletea.

Selemia 50:29

Kotou kalagai ki Papilone le kau faikalolo, koutou fuli ala e poto i le kalolo ! Kotou takatakai a ia, ke aua na sao se tasi ! Kotou totogi kiate ia o mulimuli ki ana gaoi ! Kotou fai katoa kiate ia o mulimuli ki le nea na fai e ia ! Talie na malaga a ia i le fia nealasi ki le Eteleno, Ki le Sagato o Iselaele.

Selemia 50:38

Ke vilo le tau laa ki ona vai ! ke lotou mamasa ! Talie ko se fenua o taulaatua ; Kua lotou valelea ki olatou taulaatua.

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Selemia 50:9

Talie ko leinei, e kau lagai loa kia koutou Ni puleaga lalasi mo mauke ai mei le potu noleto ; E lotou pale loa ki Papilone, E lotou tau loa kiate ia, ti e lotou too loa a ia ; E fai alatou gasau pe se tagata poto i le tau, Leia e leaise se toe liliu noa.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Selemia 51:44

E kau tautea loa Pele i Papilone, E kau tatai loa mei lona gutu le nea leia na folo e ia, Ti e leaise toe feoso loa a atu puleaga kiate ia. Kua siga foki ki lalo le paa o Papilone !

Selemia 51:47

Koia ko leinei, e au a aso Ala e kau tautea ai loa a taulaatua o Papilone, Ti e apele loa lona fenua katoa i le luma ; E vivilo loa ona mate fuli i loto malie o ona.

Selemia 51:52

Koia e pati ai le Eteleno, ko leinei, e soko mai loa a aso, Ala e kau tautea ai loa ona taulaatua ; Ti e logo ai loa ki tagi mamae a le kau lavevea i lona fenua katoa.

Selemia 51:64

Ti e ke pati loa : E feneeki loa le ogo o Papilone, e leaise toe tuuake loa a ia ki aluga mei malaia ala e kau aumai loa kiate ia. E mamate loa a atu puleaga. Ko le gatoaga leinei o folafola a Selemia.

Selemia 51:8

Fokifa kua vilo Papilone, o fatifati ! Kotou tagi kiate ia, kotou too se lolo ke faitoo ai lona lavea. E lagi toe mauli loa a ia !

Apokalipisi 14:8

Ti na muli loa iate ia se tasi ake aselo, ko se lua aselo a ia, o pati : Kua vilo Papilone, kua vilo le kolo lasi, leia na fakainu ia a puleaga fuli ke kona ki le vino o lana fai feauaki fakaii !

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,

Apokalipisi 18:21

Ti na too loa e se aselo mafimafi se fatu ofaipe se fuaga, o ti a ia ki le tai, o pati : E fenaaki loa le ti fakaveliveli o Papilone, le kolo lasi, ti e leaise toe maua loa a ia.