Esaia 21:10 - Tosi Tapu

¹⁰ Ei loku kakai, leia na ta ofaipe le ta o le fulumeto i le taaga fulumeto, Ko le nea leia na kau ako mei le Eteleno o kau tau, Atua o Iselaele, Na kau fakasa a ia kia koutou.

Esaia 21:10 ပူးပေါင်းရင်းမြစ်များ

Uluaki tosi o Sau 22:14

Na tali loa Mikea : E mauli le Eteleno ! E kau fakasa loa le nea leia e tuku mai e le Eteleno kiate au.

Lua tosi o Sau 13:7

Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Esaia 28:28

E ta le fulumeto, Kae e leaise sasa loa a ia o lee gato. E tule ki ai le fa teka o le saliote mo osi, Kae e leaise laliki a ia.

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Esekiele 40:4

Ti na pati mai loa le tagata lena kiate au : Vosa o le tagata, tio ou mata, ti fakalogo ou taliga, ti tokaga fakamalielie lou loto ki nea fuli ala e kau fakasa loa kiate koe, talie na aumai a koe ki leinei o tupu ke kau fakasa kiate koe a nea anei. E ke fakasa loa ki le fale o Iselaele a nea fuli ala ka ke tio loa ki ai.

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Apakuki 3:12

E ke foli le kele i lou itaita, E ke takatakafi a atu puleaga i lou sausau.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.