Esaia 20:4 - Tosi Tapu

⁴ E ave popula fenaaki loa e le sau o Asilia mei Esipito mo Etiopia a tagata tupulaga mo matua, ala e saele telefua loa mo saele kilii vae loa, ti e fakatekateka loa olatou tua : ko se luma a ia ki Esipito !

Esaia 20:4 ပူးပေါင်းရင်းမြစ်များ

Lua tosi a Samuele 10:4

Ti na too loa e Anune a tagata fakasausau a Tavite o tele le vaelua o olatou kaukava mo kotii fakavaelua olatou kofu lava, mei lalo o kaku ki olatou tega. Ti na kakau loa e ia latou ke toe liliu.

Uluaki tosi o Koloniko 19:4

Ti na too loa e Anune a tagata fakasausau a Tavite, o tele olatou kaukava mo kotii lua olatou kofu o fakatautonu mo loto malie o olotou tega. Ti na kakau loa e ia latou ke ano.

Esaia 19:4

Ti e pati le Eteleno o kau tau : E kau tuku loa Esipito ki lima o se pule itaita ; E pule loa se sau veli kia latou.

Esaia 3:17

E fakaliliu loa e le Eteleno ke tula a tumuaki o ulu o taineliki o Sione, Ti e fakasa loa e le Eteleno lolatou telefua.

Esaia 31:2

Kae e poto foki mo ia, e aumai e ia le malaia, Ti e leaise toe too e ia ana folafola ; E tuu loa a ia ki aluga ki le fale o le kau agaveli, Ki le tokoi a latou ala e fai ia le agaveli.

Esaia 31:3

Ko le tagata Esipito e tagata, kae e leaise Atua ; E kanofi ana osi kae e leaise laumalie. Ka falo loa e le Eteleno lona lima, E siga loa leia e tokoi, Ti e vilo loa ki lalo leia e fai ki ai le tokoi, Ti e la mamate loa toka lua.

Esaia 47:2

Ke ke too a fatu fakamaluu, ti ke ke fakamaluu le falina ; Too lou pulou, kutukutu lou kofu, Tuku ke fakatekateka ou vae, fakalaka i vaitafe lalasi !

Esaia 47:3

E fakasa loa lou telefua, Ti e tio loa ki lou luma. E kau tautea loa a koe, E leaise kau tuku loa ke sao se tasi.

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 13:26

E kau kutukutu loa lou kofu o kaku ki ou mata, O tupu ke tio ki lou luma.

Selemia 46:19

Teuteu lau taga ki le popula, Taine o Esipito ! Talie e liliu loa Nofi ko se toafa, E maumaui loa a ia, e leaise toe nofo loa i ai se kakai.

Selemia 46:26

E kau tuku loa latou ki lima o latou ala e loto ki lolatou mauli, Ki lima o Nepukatenesale, sau o Papilone, Ti mo lima o ana tagata fakasausau ; Ti ka oki le nea lena, e toe nofoi loa Esipito ofaipe le temi mua, E pati le Eteleno.

Esekiele 30:18

E fakapouli loa le aso i Takepanese, Mo ka kau fatii loa i ai le laakau a Esipito, Ti mo ka kau fakagato loa i ai le fia nealasi o lona makeke ; E uufi loa e se ao Takepanese, Ti e ano loa ona taineliki ki le popula.

Amosi 9:7

Fanau a Iselaele, pe leaise kotou fai kiate au Pe fanau a le kau Etiopia ? e pati le Eteleno. Pe na leaise kau fakamavae Iselaele mei le fenua o Esipito, Ofaipe le kau Filisitini mei Kafetoli ti mo le kau Silia mei Kile !

Mikea 1:11

Fakalaka, a koe leia e nofo i Safili, i le telefua mo le luma ! E leaise koi toa leia e nofo i Tesanani i le ulu ki fafo. E tagi laulau leia e nofo i Pete-Aetesele, Ti e leaise koi feala ke sola ki ai.

Naume 3:10

Kae logo ai le nea lena, kua ano a ia ki se fenua kese, Kua ave a ia ki le popula ; Kua laliki ana fanau i poko o ala fuli ; Kua vae ona aliki, Kua sai ona pule tau fuli ki ni tini.

Sofoni 2:12

Ko koutou foki, kau Etiopia, E taai loa koutou e laku seleta.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.