Esaia 2:9 - Tosi Tapu

⁹ Koia e tamatamate loa a kau seka, ti e tuku loa ki lalo a kau lalasi : Talie e leaise ke fakamolemole loa kia latou.

Esaia 2:9 ပူးပေါင်းရင်းမြစ်များ

Neemia 4:5

Aua na ke fakamolemole ki alatou agaveli, ti aua na puli loa lalatou agasala i ou mua, talie kua lotou lauvelii latou ala e laga ia le paa fatu.

Pesalemo 49:2

Ke kotou fakalogo mai ki le nea leinei, kakai fuli ; Ke kotou tuku mai okoutou taliga, koutou fuli e nonofo i le malama nei,

Pesalemo 59:5

Logo ai loku mea, e lotou makape, e lotou teuteui ; Ke ke alaala, Eteleno, ke ke au kiate au, o tio !

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 5:15

E tuku loa ki le kele le kau liliki, ti e fakataulalo loa le kau lalasi, Ti e saele tulolo loa le kau fia nealasi fuli.

Esaia 5:16

Kae e siki loa ki aluga le Eteleno o kau tau i lana fakamaau, Ti e fakamaokioki loa le Atua maokioki i le faitotonu.

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Selemia 18:23

Kae ko koe, Eteleno, e ke iloa alatou fonofono veveli fuli ke tamate au. Aua na ke fakamolemole lalatou agaveli, Aua na ke soloi lalatou agasala i ou mua ! Tautea latou i le aso o lou sausau !

Maleko 3:29

kae ko leia e fatituu loa ki le Laumalie Maokioki, e leaise toe fakamolemole loa kiate ia : Kua fai e ia se agasala lee gato.

Loma 3:23

E leaise kese se tasi : Talie kua agasala a tagata fuli ti kua lotou sala i le kololia o le Atua ;

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 2:23

E maoki, e lotou mata fakapotopoto, talie e lotou masau ki se fia lotu, mo se agamalu, ti mo se fakamamae o le tino ; kae e leai sona aoga, gato fua ki le fakafimalie o le kanofi.

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.