Esaia 2:8 - Tosi Tapu

⁸ Kua apele le fenua i taulaatua ; Kua lotou punou i mua o le gaoiaga o olatou lima, I mua o le nea leia na fau e olatou maikao.

Esaia 2:8 ပူးပေါင်းရင်းမြစ်များ

Uluaki tosi o Sau 16:7

Na tuku e le Eteleno lana folafola ki le polofeta ko Seu, vosa o Anani, o uiga mo Paesa mo lona fale, o tupu ko le veli fuli leia na fai e ia i mua o mata o le Eteleno, i lana fakatupu le sausau o le Eteleno ki gaoi o ona lima, ti mo lana liliu o tatau mo le fale o Selopoamo ; ti o tupu ko lana tamate le fale o Selopoamo.

Lua tosi o Sau 17:10

Na lotou fakatuu loa kia latou ni fakatata mo ni taulaatua i mauga liliki fuli ti mo lalo o laakau sesega fuli.

Lua tosi o Sau 17:16

Na lotou tiaki loa a fakatotonu fuli a le Eteleno, lolatou Atua, ti na lotou fai loa kia latou ni pipi e lua ki le ukamea na saka, ti na lotou fau loa ni fakatata o Asetalate, ti na lotou atolasio loa ki le kau tau katoa o le lagi, ti na lotou tausi loa kia Paale.

Lua tosi o Koloniko 27:2

Na fai loa e Sotame le nea leia e totonu ki mata o le Eteleno, o fakatatau ki nea fuli ala na fai e Osiasi, lona tamana. Kae na leaise ulu loa a ia ki le fale tapu o le Eteleno. Kae na koi tausi le kakai ki taulaatua.

Esaia 17:8

E leaise toe tio loa a ia ki aletale, Gaoiaga o ona lima, Ti e leaise toe tokaga loa a ia ki nea ala na fau e ona maikao, A taulaatua o Asetalate mo fakatata o le laa.

Esaia 26:13

Eteleno, lomatou Atua, na pule kia matou ni iki ake a pule kese iate koe ; Kae kua motou fetapa ki lou suafa o tupu ko lou alofa toka tasi.

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Esaia 40:19

Ko se tagata tufuga leia e saka ia le ukamea o le fakatata, Ti ko se tagata gaoi ukamea leia e kofu ia le taulaatua ki le aulo, Ti e fakapipiki ia ki ai ni tini siliva.

Esaia 41:29

Ko leinei, ko latou fuli ko nea noa, Ko alatou gaoi ko le noa, Ko olatou taulaatua ko se matagi noa.

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Selemia 1:16

E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 11:13

Talie e mauke tatau ou atua mo ou kolo, ei Suta ! Ti e lasi tatau a ala o Selusalemi Mo aletale ala na kotou fakatuu ki taulaatua, Ke momoli ai le iseso kia Paale…

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Oseo 12:11

Na kau masau ki le kau polofeta, Na kau liuliuga a tio, Ti na kau tuku ki le kau polofeta ni folafola fakatata.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Mikea 5:12

E kau motusi loa i loto malie o ou ou taulaatua mo ou fakatata, Ti e leaise ke toe tulolo loa i mua o le nea leia na fau e ou lima ;

Gaoi 17:16

I le talitali a Paulo kia laua i Atena, na logoi loa e ia se ita i lona loto, i lana tio ki le apele o le kolo lena i taulaatua.

Tetelonome 4:28

I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;