Esaia 2:2 - Tosi Tapu

² E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 2:2 ပူးပေါင်းရင်းမြစ်များ

Senesi 49:1

Na kalagai loa e Sakopo ona vosa, o pati : Kotou fakatasi mai. Ti e kau fakasa loa kia koutou le nea leia ka soko loa kia koutou i temi ki muli.

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Pesalemo 102:23

Mo ka fakatasi loa a atu kakai fuli, Ti mo atu puleaga fuli, ke fakasausau ki le Eteleno.

Pesalemo 2:8

Kole mai kiate au ti e kau soli atu loa kiate koe a atu puleaga ko lou tofiga, Mo potupotu o le kele ma au.

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 22:28

E manatu loa potupotu fuli o le malama nei ki le Eteleno, ti e lotou tafoki loa kiate ia. E punou loa famili fuli o atu puleaga i ou mua.

Pesalemo 48:2

E lasi le Eteleno, ti e malie ke fakavikiviki kiate ia I le kolo o lotatou Atua, i lona mauga maokioki.

Pesalemo 68:17

Kolea, ei mauga e tumutumu mauke, E kotou finenonofo ai Ki le mauga leia na filifili e le Atua ke nofo ai ? Io, e fai loa e le Eteleno i ai lona nofoaga o lee gato.

Pesalemo 72:8

E pule loa a ia mei se tasi a tai ki le tasi a tai, Ti mei le vaitafe lasi o kaku ki potupotu o le malama nei.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Pesalemo 87:1

A vosa o Kole. Pesalemo. Katiko. Na laga a ia i aluga o atu mauga maokioki.

Pesalemo 87:2

E alofa le Eteleno ki matapa o Sione O lasi ake i nofoaga fuli o Sakopo.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 25:6

Kua teuteu e le Eteleno o kau tau ki kakai fuli, i le mauga leinei, Se kaitasi o ni nea kai malilie, Se kaitasi o ni vino matua, Mo ni kanoi manu malilie mo gako, Mo ni vino matua, kua mea malie.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 30:29

E kotou sua loa ofaipe le po leia e fai ai se lafeti, E fiafia loa okoutou loto ofaipe leia e saele kae ta ukalele, O ano ki le mauga o le Eteleno, ki le utu o Iselaele.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 60:3

E saele ni puleaga i lou malama, Ti mo ni sau i le gigila o lou kololia.

Esaia 65:11

Kae ko koutou, ala e tiaki ia le Eteleno, Ala e galoi ia loku mauga tapu, Ala e fakatuu ia se aletale kia Kate, Ti e fakaapele ia se ipu kia Meni,

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 3:17

I aso ana, e fakaigoa loa Selusalemi ko le agaiaga o le Eteleno. E fakatasi loa a puleaga fuli o le malama nei ki Selusalemi, i le suafa o le Eteleno, Ti e leaise lotou toe mulimuli loa ki oli o lolatou loto veli.

Selemia 30:24

E leaise toe fimalie loa le sausau o le Eteleno, O kaku ki le oki o lana fakasoko, mo fai a fakatuutuu o lona loto. E kotou matala loa ki le nea lena i se temi ki muli.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 48:47

Kae e kau toe aumai loa le kau popula o Moape, i se temi ki muli, E pati le Eteleno. Ko lena le fakamaau o Moape.

Selemia 49:39

Kae i se temi ki muli, e kau toe aumai loa le kau popula o Elame, E pati le Eteleno.

Selemia 51:44

E kau tautea loa Pele i Papilone, E kau tatai loa mei lona gutu le nea leia na folo e ia, Ti e leaise toe feoso loa a atu puleaga kiate ia. Kua siga foki ki lalo le paa o Papilone !

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Taniela 2:45

Ko lena le uiga o le fa fatu leia na ke tio na mataaki mei le mauga ti na leaise tokoi ki ai se lima, leia na momoi ia le ukamea, mo le sila, mo le kele, mo le siliva, mo le aulo. Kua fakasa e le Atua lasi ki le sau le nea leia ka soko loa ki muli. E maoki le moe miti, ti e maoki lona fakamatala.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Sakalia 14:10

E liliu loa le fenua katoa ofaipe le fenua tokamalie, mei Kepa o kaku ki Limoni I le potu saute o Selusalemi ; Ti e malaga loa Selusalemi ki aluga ti e tuu loa a ia i lona tuuaga, Mei le matapa o Pesamino o kaku ki le uluaki matapa, O kaku ki le matapa o agele, Ti mei le tule o Ananeele o kaku ki tatauaga vino o le sau.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Sakalia 8:22

Ti e au loa ni kakai toka api mo ni puleaga mauke o afa le Eteleno o kau tau i Selusalemi mo faikole ki le Eteleno.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Malakia 3:12

E pati loa a puleaga fuli kia koutou, manuia, Talie e kotou liliu loa ko se fenua o nea malilie, E pati le Eteleno o kau tau.

Numelo 24:14

Ti ko leinei e kau toe liliu loa ki loku kakai. Kae i mua, au, ke kau fakasa fakatomua atu kiate koe le nea leia e fai loa e fanau a Iselaele ki lou kakai i temi ki muli.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Lua tosi kia Timoteo 3:1

Ke ke iloa, i aso fakaoki, e i ai loa ni temi faigataa.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.