Esaia 2:19 - Tosi Tapu

¹⁹ E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 2:19 ပူးပေါင်းရင်းမြစ်များ

Lua tosi a Samuele 22:46

E nofo i le i a vosa o le matapule, E lotou lulu i fafo o olatou kolo tau.

Sopo 9:6

E lui e ia le kele i lona fakatafito, ti e galulu ona pou.

Pesalemo 7:6

Ke tuli au e le fili, ti ke tapo au e ia, Ti ke takafi e ia loku mauli ki le kele, Ti ke takafi e ia loku kololia ki le kele ! - Manava

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 2:10

Ke ke ulu ki ana o utu, Ti ke ke mumuni i le efu, O tupu ke ke sao i le sausau o le Eteleno Ti mo le makeke o lona agai.

Esaia 2:21

Kae lotou ulu loa ki mafaa o utu Ti mo pu o fatu, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 24:1

Ko leinei, kua maumaui e le Eteleno le fenua, o fakaliliu a ia ko se toafa ; Kua fakamaveuveu e ia le malama nei, ti kua fakamavetevete e ia lona kakai.

Esaia 24:18

Ko leia e sola i mua o kalaga fakaii kua vilo ki le popoko ; Ti ko leia e toe pale ake i le popoko kua pikiia i le masele ; Talie kua mavaa a matapa o le lagi, Ti kua galulu a fakatafito o le malama nei.

Esaia 24:19

Kua mafaa le kele, Kua matuletule le malama nei, Kua siga a ia ki lalo.

Esaia 30:32

I fa ta fuli a le laakau leia na teuteu kiate ia, Ti e fakavilo loa e le Eteleno kiate ia, E logo loa ki tapulini mo alepe ; E tau loa le Eteleno kiate ia i se lima makeke.

Esaia 33:10

E pati le Eteleno : I le aso nei e kau tuu loa ki aluga, I le aso nei e siki loa au ki aluga, I le aso nei e kau taualuga loa.

Esaia 7:19

E lotou au loa, ti e lotou nonofo fuli loa i ganea lavaki fuli, Mo pu o utu, Mo laakau uluvao fuli, Ti mo faisaga sesega fuli.

Selemia 16:16

E pati le Eteleno : Ko leinei, e kau kakau loa ni kau faifeua toka api, ti e lotou fagotai loa latou ; Ti ka oki le nea lena, e kau kakau loa ni kau kapu manu toka api, ti e lotou kapu loa latou Mei mauga fuli, mo mauga liliki fuli, Ti mo ana o utu.

Selemia 4:29

I le patatu o le kau ekeosi mo le kau faikalolo, e sosola a kolo fuli ; E ulu ki ulu vao, e kava i utu ; Kua tiaki a kolo fuli, e leaise koi nofo i ai se tasi.

Selemia 48:28

Kakai o Moape, Kotou tiaki a kolo, ti kotou nonofo i ni utu ! Kotou faipe ni lupe, Ala e fai ia olatou ofaga i paa o ana !

Esekiele 33:27

Pati kia latou : E folafola le Aliki, le Eteleno, o pati : E kau mauli ! E tamate loa e le seleta latou ala e nonofo i kolo maumau ; ti e kau soli loa latou ala e nonofo i faisaga ke kai e manu ; ti e mamate loa i le taumasaki latou ala e nonofo i kolo tau mo ana.

Oseo 10:8

Ko ganea tapu o Pete-Aveni, ala na agasala ai Iselaele, e maumaui loa ; E sosomo loa le vao talatala mo le vao sukisuki i olatou aletale. E lotou pati loa ki mauga : Kotou uufi matou ! Ki mauga liliki : Kotou sosolo mai kia matou !

Mikea 7:17

E lotou epo loa le efu, ofaipe le gata, Ofaipe manu totolo o le kele ; E maua loa latou e le i, i tafa olatou kolo tau ; E lotou lulu loa i mua o le Eteleno, lotatou Atua ; E lotou i loa kiate koe.

Naume 3:11

Ko koe foki, Ninive, e ke kona loa, e ke mumuni loa ; Ko koe foki, e ke afa loa se mumuniaga i le fili.

Akeseo 2:6

Talie e folafola le Eteleno o kau tau : Koi toe fua se ga temi ikiiki, Ti e kau luui loa le atu lagi mo le malama nei, Le tai mo le kele malo.

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Luka 23:30

Ti e pati loa ki mauga : Kotou vivilo mai kia matou ! Ti ki mauga liliki : Taotao matou !

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Epelo 11:38

Latou ala na leaise gali le malama nei mo latou ! Na lotou sola saele loa i toafa ti mo mauga, i ana ti mo popoko o le kele.

Epelo 12:26

a ia leia na lui ia loa le malama nei ki lona leo i mua, kae kua fai ia kia tatou i le temi nei le fakapapau leinei : i se tasi faiaga e kau lui ai loa o leaise gato fua i le malama nei, kae mo le lagi foki.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Apokalipisi 16:18

Ti na i ai loa ni uila, mo ni leo, mo ni mana, mo se mafuike lasi, ti koi soko la le mafuike lasi fenaaki talu mei le fakatupu o le tagata i le malama nei.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 9:6

I aso ana, e afa loa e tagata le mate, kae e leaise lotou maua loa a ia ; e lotou oli loa ke lotou mamate, kae e sola mamao loa le mate ia latou.

Uluaki tosi a Samuele 13:6

I le tio loa a tagata o Iselaele kua lotou tuulaga veli ai, talie kua tapotapono latou, na lotou mumuni loa i ana, mo ulu vao, mo utu, mo pu i le kele, mo sosoni.

Uluaki tosi a Samuele 14:11

Na la fakaea toka lua loa ki le nofolaga tau o le kau Filisitini, ti na pati loa le kau Filisitini : Ko leinei, kua ulu mai le kau Epeleo mei olatou pu ala na lotou mumuni ai.