Esaia 2:12 - Tosi Tapu

¹² Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 2:12 ပူးပေါင်းရင်းမြစ်များ

Lua tosi a Samuele 22:28

E ke saofaki le kakai leia e fakamamae, Ti e tuku ki lalo e ou mata latou ala e fia nealasi.

Sopo 24:1

Kolea e leaise fakatuutuu ai e le Mafimafi ni aso ala e fai ai loa e ia ana fakamaau ? Ti kolea e leaise tio ai latou ala e iloa ia a ia ki aso ana ?

Pesalemo 131:1

Katiko o le fanoga tapu. A Tavite. Eteleno ! e leaise kau maua se loto leia e fia nealasi, Pe ko ni mata ala e fia aliki ; E leaise kau tokaga ki ni nea lalasi mo taualuga ake iate au.

Pesalemo 18:28

E ke fakamauli le kakai leia e fakataulalo, Ti e ke tuku ki lalo a mata fia nealasi.

Pesalemo 37:13

E kata le Eteleno ki le tagata agaveli, Talie e tio a ia kua soko mai lona aso.

Pesalemo 94:2

Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Taagapati 16:5

E fakalialia le Eteleno ki lotu fuli e fia taualuga ; Ti e tautea maoki loa e ia latou i se aso.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 10:33

Ko leinei, ko le Aliki, le Eteleno o kau tau, E fatifatii ia a laa o laakau i se makeke lasi : Kua tuuti a laa lalasi, Kua tuku ki lalo a laa taualuga.

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 13:9

Ko leinei, kua soko mai le aso o le Eteleno, Aso fakaii, aso o le sausau mo le sausau kaka, Leia e fakaliliu ia loa le malama nei o toafa, Ti e tamate ia loa le kau agasala i le malama nei.

Esaia 14:15

Kae na ti loa a koe ki le nofoaga o le kau mate, Ki loloto o le popoko.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Esaia 24:4

Kua mamae le fenua, ti kua gaegae a ia ; Kua mamae le kakai ti kua masamasaki ; Kua sala makeke a pule o le kakai.

Esaia 40:23

Ko ia leia e fakaliliu ia a aliki ko ni nea noa, Ti e fakaliliu ia a tui fakamaau o le malama nei ko se nea vaiga ;

Esaia 42:15

E kau maumaui loa a mauga lalasi mo mauga liliki, Ti e kau fakamalo ia loa le lau laakau sesega katoa ; E kau fakaliliu loa a vaitafe ko se kele fefeka, Ti e kau fakamasa loa a vai tanaki.

Esaia 5:15

E tuku loa ki le kele le kau liliki, ti e fakataulalo loa le kau lalasi, Ti e saele tulolo loa le kau fia nealasi fuli.

Esaia 61:2

Ke fakasa se fetuu o le kalasia o le Eteleno, Ti mo se aso o le sausau o lotatou Atua ; Ke fakapelepele latou fuli ala e mamae ;

Selemia 12:9

Na fai loku tofiga kiate au pe se manu lele kaikai, pe se lupo ; Koia e au ai loa a manu lele fekai fuli kiate ia mei potu fuli. Kotou ano, kotou tanaki mai a manu fuli o le vao, Kotou aumai latou, o tupu ke lotou kai a ia !

Selemia 13:9

E folafola le Eteleno, o pati : E kau maumaui feneeki loa le fia nealasi o Suta Ti mo le laukau lasi o Selusalemi.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Selemia 50:31

Ko leinei, e kau mamae kiate koe, taine fia nealasi, e pati le Aliki, le Eteleno o kau tau ; Talie kua soko mai lou aso, le temi o lou tautea.

Esekiele 13:5

Na leaise kotou pale o tapono a pu o le paa, Na leaise kotou takatakai le fale o Iselaele ki se paa, Ke kotou tuu makeke i le tau, I le aso o le Eteleno.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Amosi 5:18

Malaia kia latou ala e oli ki le aso o le Eteleno ! Kolea le nea leia e kotou talitali ki ai i le aso o le Eteleno ? Ki se aso manuia ? Leai, talie ko se aso fakapouli.

Mikea 2:3

Koia leia e folafola ai le Eteleno : Ko leinei, e kau fakakaukaui loa ki le kakai lena se malaia ; E leaise kotou fakasao loa i ai okoutou ua, Ti e leaise kotou saele loa mo le ulu e tuu sako, Talie e veveli loa a temi ana.

Mikea 5:11

E kau motusi loa i lou lima a nea fakatemonio, Ti e leaise ke toe maua loa se tagata fai nea fakatemonio ;

Sofoni 1:16

Ko se aso e tagi ai loa le fakatagi pupusi mo ni kalaga tau Ki kolo tau mo tule taualuga.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Malakia 4:5

Ko leinei, e kau kakau loa kia koutou Elia, le polofeta, I mua o le soko mai o le aso o le Eteleno, Le aso lasi mo fakaii lena.

Mateo 23:12

Ko leia e fia malaga loa ki aluga e tuku loa a ia ki lalo, ti ko leia e fakataulalo loa e siki loa a ia ki aluga.

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Uluaki tosi ki le kau Kolinto 5:5

ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Uluaki tosi ki le kau Tesalonika 5:2

Talie kua kotou iloa papau e koutou totonu ko le aso o le Aliki e au loa ofaipe se tagata kaia i le pouli.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.