Esaia 2:11 - Tosi Tapu

¹¹ E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:11 ပူးပေါင်းရင်းမြစ်များ

Lua tosi a Samuele 22:28

E ke saofaki le kakai leia e fakamamae, Ti e tuku ki lalo e ou mata latou ala e fia nealasi.

Pesalemo 18:27

Ki leia e mea e ke fakasa lou mea, Ki leia e agatuu e ke fai o mulimuli ki lana agatuu.

Pesalemo 18:28

E ke fakamauli le kakai leia e fakataulalo, Ti e ke tuku ki lalo a mata fia nealasi.

Pesalemo 20:8

E fanaki latou anei ki alatou saliote, ti ko latou ala ki alatou osi ; Kae ko matou, e motou too le suafa o le Eteleno, lomatou Atua.

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 94:2

Ke ke tuu ki aluga, a koe ko le tui fakamaau o le malama nei ! Ke ke liufaki ki le kau fia nealasi o mulimuli ki alatou gaoi !

Taagapati 16:5

E fakalialia le Eteleno ki lotu fuli e fia taualuga ; Ti e tautea maoki loa e ia latou i se aso.

Taagapati 30:13

E i ai se tau tagata leia e apele ona mata i le vesia, Ti e tio fakaveli ki tagata fuli.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 14:15

Kae na ti loa a koe ki le nofoaga o le kau mate, Ki loloto o le popoko.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 28:5

I le aso lena, e liliu loa le Eteleno o kau tau Ko se pala gigila, ti ko se teu fulumalie Ki le toetoega o lona kakai,

Esaia 29:18

I le aso lena, e logo loa le kau tulituli ki folafola o le tosi ; Ti e tio loa a mata o le kau kivi, Talie kua fakamauli latou i le fakapouli mo le pouli.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 37:23

Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 4:1

I le aso lena e too loa e fafine e toka fitu se tagata e toka tasi, o pati loa kiate ia : E motou kai loa lamatou pane, Ti e motou kofu loa omatou kofu ; Kae kese fua ke motou maua lou igoa ! Ke ke too lomatou luma !

Esaia 40:23

Ko ia leia e fakaliliu ia a aliki ko ni nea noa, Ti e fakaliliu ia a tui fakamaau o le malama nei ko se nea vaiga ;

Esaia 52:6

Koia e iloa loa e loku kakai loku suafa i se aso ; Koia e iloa loa e ia, i le aso lena, Ko au leia na folafola : Ko leinei au !

Selemia 12:9

Na fai loku tofiga kiate au pe se manu lele kaikai, pe se lupo ; Koia e au ai loa a manu lele fekai fuli kiate ia mei potu fuli. Kotou ano, kotou tanaki mai a manu fuli o le vao, Kotou aumai latou, o tupu ke lotou kai a ia !

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Esekiele 38:14

Koia ke ke kikite, vosa o le tagata, ti ke pati kia Koke : E folafola le Aliki, le Eteleno, o pati : Io, ko le aso leia e mauli ai loa loku kakai ko Iselaele i le tokamalie, E ke iloa loa a ia.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Esekiele 39:11

I le aso lena, E kau soli loa ki Koke se ganea ke fai ai lona tanuma i Iselaele, Le vaivailiua o le kau fanoga, i le potu esite o le tai ; E tapono loa e le tanuma lena le ala ki le kau fanoga. Ko lena le ganea e tanu ai loa a Koke mo lona kakai api katoa, Ti e fakaigoa loa le vaivailiua lena ko le vaivailiua o le kakai toka api o Koke.

Esekiele 39:22

E iloa loa e le fale o Iselaele ko au ko le Eteleno, lona Atua, Talu mei le aso lena o kaku ki le temi ka au.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Oseo 2:16

Koia kua kau loto ai i le aso nei ke kau maselei a ia, ti ke kau taki a ia ki le toafa, ti e kau masau loa ki lona loto.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Oseo 2:21

E kau liliu loa ko lou avaga o lee gato ; io, e kau liliu loa ko lou avaga i le faitotonu, mo le maoki, ti mo le kalasia, ti mo le manava alofa ;

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Apetiasi 1:8

Pe leaise ko le aso leinei, e pati le Eteleno, E kau fakapuli ai loa le kau poto i Etome, Ti mo le atamai i le mauga o Esau ?

Mikea 2:3

Koia leia e folafola ai le Eteleno : Ko leinei, e kau fakakaukaui loa ki le kakai lena se malaia ; E leaise kotou fakasao loa i ai okoutou ua, Ti e leaise kotou saele loa mo le ulu e tuu sako, Talie e veveli loa a temi ana.

Mikea 4:6

I le aso lena, e pati le Eteleno : e kau tali loa le kau kito, E kau fakatasi loa latou ala na kapu, Latou ala na kau fakaveliveli.

Mikea 5:10

E kau motusi loa a kolo o lou fenua, Ti e kau soloi loa ou kolo tau fuli ;

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Sofoni 3:16

I le aso lena, e pati loa i Selusalemi : Aua na ke i ki se nea ! Sione, aua na fakagaegae ou lima !

Sakalia 9:16

E fakamauli loa latou e le Eteleno, lolatou Atua i le aso lena, Ofaipe le kau manu o lona kakai ; Talie ko latou ko ni fatu mauiga o se pala fakasau, Ala e gigila loa i lona fenua.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Lua tosi ki le kau Kolinto 10:17

Ko leia e fakakololia ke fakakololia a ia i le Aliki.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Lua tosi ki le kau Tesalonika 1:10

mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.