Esaia 19:4 - Tosi Tapu

⁴ Ti e pati le Eteleno o kau tau : E kau tuku loa Esipito ki lima o se pule itaita ; E pule loa se sau veli kia latou.

Esaia 19:4 ပူးပေါင်းရင်းမြစ်များ

Pesalemo 31:8

E kau fiafia loa mo nekenekea loa i lou kalasia : Talie e ke tio ki loku mamae, e ke iloa a i o loku loto,

Esaia 19:2

E kau soli loa ni masafu ki le tagata Esipito ke tau ki le tagata Esipito, Ti e tau loa le taina ki lona taina, le kaukau nea ki lona kaukau nea, Le kolo ki le kolo, le puleaga ki le puleaga.

Esaia 20:3

Ti na pati loa le Eteleno : ofaipe le saele telefua mo kilii vae a laku tagata fakasausau ko Esaia, e liliu loa le nea lena, mo ka sili ni fetuu e tolu, ko se fakamailoga o le nea leia ka soko loa ki Esipito mo Etiopia.

Esaia 20:4

E ave popula fenaaki loa e le sau o Asilia mei Esipito mo Etiopia a tagata tupulaga mo matua, ala e saele telefua loa mo saele kilii vae loa, ti e fakatekateka loa olatou tua : ko se luma a ia ki Esipito !

Selemia 46:26

E kau tuku loa latou ki lima o latou ala e loto ki lolatou mauli, Ki lima o Nepukatenesale, sau o Papilone, Ti mo lima o ana tagata fakasausau ; Ti ka oki le nea lena, e toe nofoi loa Esipito ofaipe le temi mua, E pati le Eteleno.

Esekiele 29:19

Koia e folafola ai le Aliki, le Eteleno, o pati : Ko leinei, e kau tuku kia Nepukatenesale, sau o Papilone, Le fenua o Esipito ; E too loa e ia ona koloa, E maumaui loa e ia a ia E ave loa e ia ni kakai Ke totogi ai lana kau solia.

Esekiele 30:12

E kau fakamalo ia loa a magai vaitafe, E kau tuku loa le fenua ki lima o le kau agaveli ; E kau maumaui loa le fenua mo nea fuli e maua i ai, i le lima o ni kau matapule. Ko au, le Eteleno, na kau masau.

Naume 3:10

Kae logo ai le nea lena, kua ano a ia ki se fenua kese, Kua ave a ia ki le popula ; Kua laliki ana fanau i poko o ala fuli ; Kua vae ona aliki, Kua sai ona pule tau fuli ki ni tini.

Uluaki tosi a Samuele 23:7

Na logo loa Saulo kua ano Tavite ki Keila, ti na pati loa a ia : Kua tuku loa a ia e le Atua ki oku lima ; talie kua au a ia o ulu ki se kolo e i ai ni ona matapa mo ni ona loka.