Esaia 19:3 - Tosi Tapu

³ E puli loa le laumalie o Esipito i loto malie o ona, Ti e kau maumaui loa lana fakakaukau. E oso loa a ia ki taulaatua, mo le kau fai nea fakatemonio, Mo latou ala e afa ki le kau mate, ti mo latou ala e faikikite ki le apogipogi.

Esaia 19:3 ပူးပေါင်းရင်းမြစ်များ

Lua tosi a Samuele 15:31

Na au loa o fakasa kia Tavite : Kua nofo Asitofele mo Apesalone i le kau fakafesagai. Ti na pati loa Tavite : Ei Eteleno, e kau kole atu kiate koe, ke ke fakaliliu ke noa a tokoi a Asitofele !

Lua tosi a Samuele 17:14

Na pati loa Apesalone mo le kakai katoa o Iselaele : E malie ake le tokoi a Usai, le tagata Aleki, i le tokoi a Asitofele. Talie kua fakatotonu e le Eteleno ke fakanoai le tokoi malie a Asitofele, o tupu ke aumai ai le malaia kia Apesalone.

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Lua tosi o Sau 1:2

Ti na vilo loa Akasia mei le katupa o lona kogafale fata i Samalia, o masaki. Na kakau loa e ia ni tagata avelogo, o pati kia latou : Kotou ano o afa kia Paale Sepu, atua o Ekeloni, pe kau mauli loa mei le masaki leinei.

Uluaki tosi o Koloniko 10:13

Na mate loa Saulo, o tupu na agasala loa a ia ki le Eteleno, ti na leaise fakalogo loa a ia ki lana folafola, ti na afa loa e ia latou ala e masau ki le kau mate.

Pesalemo 107:27

Na lotou mata ninimo loa, ti na lotou sisiga loa ofaipe ni tagata konana, Ti na ano noa loa lolatou poto katoa.

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 14:27

Kua too e le Eteleno o kau tau le fakapapau lena : Ko ai e fakafesagai loa ki ai ? Kua siki lona lima, ko ai e peluki ia loa a ia ?

Esaia 15:2

Kua pale le kakai o Tiponi ki le fale tapu mo ganea taualuga, o tagi i ai. Kua fai e Moape ni tagi vale ki Nepo mo Metepa : Kua tele a ulu fuli, ti kua koti a kaukava fuli.

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Esaia 47:12

Soko atu lau fai au fakalaulaakau Ti mo au faitoo fakatemonio, Ala na ke gaoi pakia ki ai mei lou ikiiki ; E lagi feala loa ke ke maua ia latou se nea, E lagi feala loa ke ke makeke ai.

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 46:15

Kolea e ave ai au tagata toa ? E leaise lotou tuu makeke, talie e fakasisiga latou e le Eteleno.

Esekiele 21:7

Vosa o le tagata, fakaaga ou mata ki Selusalemi, Ti ke masau ki potu tapu ! Kikite ki le fenua o Iselaele !

Esekiele 22:14

Pe ke loto makeke loa, pe e makeke loa ou lima i le aso leia e kau gaoi ai loa kiate koe ? Talie ko au, le Eteleno, kua kau masau, ti e kau fai loa.

Taniela 1:20

I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 2:2

Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Uluaki tosi a Samuele 25:37

Kae i le usu, i le mamao loa o le kona o Napale, na fakamatala loa e lana avaga kiate ia a nea fuli ala na soko. Na oso loa le mafu o Napale, ti na tuu noa loa a ia.