Esaia 19:25 - Tosi Tapu

²⁵ E tapuaki loa le Eteleno o kau tau kia latou, o pati : Ke manuia Esipito, loku kakai, Ti mo Asilia, le gaoiaga o oku lima, Ti mo Iselaele, loku tofiga !

Esaia 19:25 ပူးပေါင်းရင်းမြစ်များ

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 115:15

Ke tapuaki koutou e le Eteleno, Leia na fakatupu ia le lagi mo le kele !

Pesalemo 138:8

E gaoi loa le Eteleno kiate au. Eteleno, e lee gato lou agamalie, Aua na ke tiaki a gaoiaga o ou lima !

Esaia 19:24

I le temi foki lena, e liliu loa Iselaele ko le tolu o puleaga, Leia e fakatasi ki Esipito mo Asilia, Ti e tapuakina loa a fenua ana.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 29:23

Talie, ka tio loa ana fanau ki le gaoiaga o oku lima i loto malie o latou, E lotou tapuaki loa ki loku suafa, E lotou tapuaki loa ki le Sagato o Sakopo, Ti e lotou i loa ki le Atua o Iselaele ;

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:9

E iloa loa lolatou lanu i atu puleaga, Ti e logo loa lolatou sakoga i lotolotoga o kakai ; Ti ko latou fuli ala e tio loa kia latou e fakamaoki loa Ko latou ko se lanu tapuakina e le Eteleno.

Esaia 63:17

Kolea Eteleno, e ke tuku ai matou ke eva o mamao i ou ala, Ti e fakafefeka ai omatou loto ke aua na i kiate koe ? Toe liliu mai, o tupu ko lou alofa ki au tagata fakasausau, Ki faasiga o lou tofiga !

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Esaia 65:23

E leaise lotou gaoi loa ki le noa, Ti e leaise lotou maua loa ni fanau ke tio ki lolatou mamate ; Talie e lotou liliu loa ko se lanu tapuakina e le Eteleno, Ti e nonofo loa alatou fanau mo latou.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Numelo 24:1

Na matala loa a Palaame kua malie ki le Eteleno ke tapuaki ki Iselaele ; ti na leaise toe ano loa a ia o afa se puleaki ke toe sa ake ai le Eteleno kiate ia, ofaipe la ake faiaga i mua. Kae na maliu loa ona mata ki le fetuu o le toafa.

Numelo 6:24

Ke tapuaki le Eteleno kiate koe, ti ke taupau e ia a koe !

Numelo 6:27

E lotou teki fenaaki loa loku suafa ki fanau a Iselaele, ti e kau tapuaki loa kia latou.

Loma 3:29

Pe ko le Atua, ko le Atua fai a ia o le kau Sutea ? Pe leaise ko le Atua foki a ia o le kau pagani ? E io, ko le Atua foki a ia o le kau pagani,

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.