Esaia 19:19 - Tosi Tapu

¹⁹ I le temi lena, e i ai loa se aletale ki le Eteleno I loto malie o le fenua o Esipito, Ti mo se nea fakamanatu ki le Eteleno i lona koiga.

Esaia 19:19 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 28:18

Ti na tuu ake loa Sakopo i le usu, o too le fatu leia na uluga ki ai, ti na fakatuu loa e ia a ia ke liliu ko se fatu fakamaoki, ti na liligi loa e ia se lolo ki lona tumutumu.

Pesalemo 68:31

Ke ke tautea le kolokotile, Mo le kau pipi tagata mo le kau pipi tagata muli o atu kakai, Ala e tulolo mo ni piesi paaga ! Ke ke fakamavete a kakai ala e fiafia i le tau !

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 60:7

E tanaki mai loa kiate koe a kau manu fuli o Ketale ; E fakalogo loa kiate koe a kau ovi tagata o Nepasote ; E lotou pale loa ki loku aletale ti e kau tali loa latou ; Ti e kau fakakololia loa le fale o loku kololia.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Selemia 46:2

Ki Esipito. Ki le solia a Falaone Neko, sau o Esipito, leia na nofo i tafa o le vaitafe ko Eufalate, i Kalekemisi, ti na tamate e Nepukatenesale, sau o Papilone, i le fetuu fa o Sosakimi, vosa o Sosiasi, sau o Suta.

Esekiele 29:1

I le fetuu kau agafulu, i le aso kau agafulu tupu lua o le masina kau agafulu, na tuku mai loa kiate au le folafola a le Eteleno, o pati :

Esekiele 30:1

Na tuku mai loa kiate au le folafola a le Eteleno, o pati :

Esekiele 31:1

I le fetuu kau agafulu tupu tasi, i le uluaki aso o le masina tolu, na tuku mai loa kiate au le folafola a le Eteleno, o pati :

Esekiele 32:1

I le fetuu kau agafulu tupu lua, i le uluaki aso o le masina kau agafulu tupu lua, na tuku mai loa kiate au le folafola a le Eteleno, o pati :

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Epelo 13:10

E tou maua se aletale leia e leaise taga kia latou ala e fai ia a gaoi i le tapenakulo ke lotou kai ona nea kai.

Sosue 22:10

I lalatou kaku loa ki le kauvai o le Solotane, leia e kau ki le fenua o Kanaane, na fakatuu loa e vosa o Lupeni, mo Kate, ti mo le vaelua o Manase, se aletale i tafa o le Solotane, se aletale leia na lasi ai ki mata.

Sosue 22:26

Koia na motou pati ai loa : Ke tou fakatuu se aletale, o leai ki ni failaulau ti mo ni sakilifisio,

Sosue 22:27

kae ke tuu ko se fakamaoki, kia koutou mo matou, ki okoutou sakoga mo omatou sakoga ki muli, e motou fia tausi ki le Eteleno i ona mua ki ni failaulau, mo ni sakilifisio fakamalie, mo ni sakilifisio fakafetai, ti mo ni moliga nea kai, ti ke aua na pati loa okoutou vosa ki omatou vosa i se aso ki muli : E leaise kotou kau ki le Eteleno !

Sosue 22:28

Na motou pati loa : kapau, i se temi ki muli, e lotou fai loa le pati lena kia matou mo amatou fanau, e motou tali loa kia latou : Ke kotou tio ki le paaki o le aletale o le Eteleno, leia na fai e omatou tamana, o leai ki ni failaulau ti mo ni sakilifisio, kae ofaipe se fakamaoki kia matou mo koutou.

Sosue 22:34

Na fakaigoa loa e vosa o Lupeni mo vosa o Kate le aletale ko Ete, talie na lotou pati loa, ko le fakamaoki a ia ia tatou ko le Eteleno e Atua !