Esaia 18:7 - Tosi Tapu

⁷ I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Esaia 18:7 ပူးပေါင်းရင်းမြစ်များ

Lua tosi o Koloniko 32:23

Na aumai loa e se kakai toka api ni moliga ki le Eteleno ki Selusalemi, ti mo ni nea alofa mauiga kia Esekiasi, sau o Suta, leia na kamata siki ake loa mei ai ki aluga i mua o puleaga fuli.

Pesalemo 68:32

E au ni kau lalasi mei Esipito ; E makape mai Etiopia, o falo mai ona lima ki le Atua.

Esaia 16:1

Kotou ave ni akeno ki le pule lasi o le fenua, Kotou ave latou mei Sela, i le toafa, Ki le mauga o le taine o Sione.

Esaia 18:2

A koe leia e kakau ia i le tai ni tagata avelogo I ni vaka kofe ala e tele i le tai i ni la ! Kotou ano, kau tagata avelogo gasolo, ki le puleaga tagata makeke mo lalasi, Ki le kakai fakaii lena talu mei lona tupu, Ki le puleaga makeke leia e takatakafi ia a nea fuli, Ti mo le fenua leia e tafe ai ni vaitafe.

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Apakuki 1:7

Ko se kakai mamalu mo fakaii ; E fakalogo fai a ia kiate ia mo lona makeke.

Sofoni 3:10

Mei leia atu fetuu o vaitafe o Etiopia, E aumai loa e laku kau atolasio, laku kau mavetevete, ni moliga kiate au.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.