Esaia 17:3 - Tosi Tapu

³ Kua folafola le Eteleno o kau tau, o pati : Kua puli noa le kolo tau o Efalaimi, Ti mo le puleaga o Tamaso, ti mo le toega o Silia : E tatau loa a ia mo le kololia o fanau o Iselaele.

Esaia 17:3 ပူးပေါင်းရင်းမြစ်များ

Lua tosi o Sau 16:9

Na tali loa a ia e le sau o Asilia ; ti na pale ake loa a ia, o taui Tamaso o maua, ti na ave popula loa e ia le kakai mei ai ki Kile, ti na tamate loa e ia Letisini.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Esaia 10:9

Pe na leaise fai fakatatau ki Kaleno mo Kalekemisi ? Pe na leaise fai fakatatau ki Amati mo Alepati ? Pe na leaise fai fakatatau ki Samalia mo Tamaso ?

Esaia 16:14

Kae kua folafola le Eteleno i le aso nei, o pati : Koi toe fetuu e tolu, ofaipe fetuu o se tagata solia totogi, E gaegae loa le kololia o Moape, Mo lona kakai toka api ; Ti ko le nea leia e toe loa ko se nea ikiiki fua, ko se ga nea noa fua.

Esaia 17:4

I le aso lena, e gaegae loa le kololia o Sakopo, Ti e puli loa le gako o lona tino.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Esaia 7:16

Kae i mua o le iloa e le toe ke tiaki le nea e veli ti ke filifili le nea e malie, E tiaki loa le fenua leia e ke tuania ia ona sau e lua.

Esaia 7:8

Talie ko le ulu o Silia ko Tamaso, Ti ko le ulu o Tamaso ko Letisini. Koi toe fai a fetuu e kau ono tupu lima, Ti e leaise toe nofo loa Efalaimi ko se kakai.

Esaia 8:4

Talie i mua o le poto o le toe i le pati : Loku tamana ! loku tinana ! e ave loa a koloa o Tamaso mo koloa o Samalia ki le sau o Asilia.

Oseo 1:4

Ti na pati loa le Eteleno kiate ia : Fakaigoa a ia ko Siseleele ; talie koi toe fai se ga temi ikiiki, ti e kau tautea loa le fale o Seu, o tupu ko le toto leia na liligi i Siseleele, ti e kau fakagato loa le puleaga o le fale o Iselaele.

Oseo 1:6

Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Oseo 10:14

E malaga loa se maveuveu i lou kakai, Ti e maumaui loa ou kolo tau fuli, Ofaipe le maumaui e Salemane a Pete-Alepele, I le aso o le tau, Leia na takatakafi ai le tinana mo ana fanau.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Oseo 8:8

Kua folo Iselaele ! Kua lotou nofo i le temi nei i loto malie o atu puleaga Ofaipe se ipu leia e leaise mauiga.

Oseo 9:11

E sola loa le kololia o Efalaimi ofaipe se manu lele : E leaise toe fai loa se fanauga, e leaise toe maua loa se tinae, e leaise toe soko loa se tupu.

Amosi 8:14

E lotou fakapapau loa i le atua fakalialia o Samalia, Ti e lotou pati : Ke mauli lou Atua, Tane ! Ke mauli le ala o Pele-Sepa ! Kae e lotou vivilo loa, ti e leaise lotou toe tutuu loa ki aluga.