Esaia 17:14 - Tosi Tapu

¹⁴ Ka soko mai le afiafi, ko leinei ko se maumau fakapunamauli ; I mua o le usu, kua lotou pupuli ! Ko lena le vaega o latou ala e fakamativa ia matou, Ko lena le ikuaga o latou ala e kaia ia omatou koloa.

Esaia 17:14 ပူးပေါင်းရင်းမြစ်များ

Lua tosi o Sau 19:3

Ti na lotou pati loa kia Esaia : Ko leinei le masau a Esekiasi : Ko le aso leinei ko se aso o le mamae, mo le tautea, ti mo le luma ; talie kua vave vilo fua a toe mei manava o olatou tinana, kae e leaise maua se makeke ke fanaui ai latou.

Lua tosi o Sau 19:35

I le po lena, na ifo mai loa le aselo o le Eteleno, ti na tamate loa e ia i le nofolaga tau o le kau Asilia a tagata e tino lelau tino valu tupu lima afe. I le ala usu ake, ko leinei, kua mamate a tagata fuli.

Sopo 20:29

Ko lena le vaega leia kua teuteui e le Atua ki le tagata agaveli, Ko lena le tofiga leia kua tuku e le Atua kiate ia.

Pesalemo 37:36

Na fakalaka a ia, ti ko leinei, kua puli a ia ; Na kau afa a ia, kae e leaise kau maua a ia.

Taagapati 22:23

Talie e puipui loa laua e le Eteleno, Ti e maumaui loa e ia le mauli o latou fuli ala e kaia ia laua.

Esaia 10:25

Kae, koi toe fai se ga temi ikiiki, Ti e gato loa le tautea, Ti e maliu loa loku sausau kiate ia o tamate a ia.

Esaia 21:12

Ti e tali le tagata leo : E au le usu, ti mo le pouli foki. Kapau e kotou fia vesili, kotou vesili ; Kotou tafoki, ti kotou toe au.

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 29:5

E fai loa le api o ou fili pe se ao efu, Ti e fai loa le kau solia api lena pe se tuuga penu leia kua mavetevete i le matagi. Kae e soko fakapunamauli loa le nea leinei i le temi e tasi :

Esaia 29:7

Ti ko puleaga mauke ala na tau kia Aliele, Latou fuli ala na oso kiate ia mo lona kolo tau, Latou ala na fakamamae ia a ia, E fai loa pe se moe miti, pe se nea leia na tio ki ai i le pouli.

Esaia 30:28

E fai lana tukumanava pe se vaitafe kua puke o kaku ki le ua, Ke ti ki aluga a atu puleaga ki le foe o le malaia, Pe se fakagutu kaka I kauvae o atu puleaga.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esaia 33:18

E manatui loa e lou loto le temi fakaii kua sili, ti e ke pati loa : Kofea le sekalaipe, kofea le tagata tae tukusau ? Kofea le tagata leoleo o tule ?

Esaia 34:17

Kua fai e ia kia latou le toso, Ti kua vae e lona lima kia latou le fenua ki le afo. E lotou maua loa a ia o lee gato, E lotou nonofo loa i ai i tautupu mo tautupu.

Esaia 41:12

E ke afa loa latou, kae e leaise ke maua loa latou, Latou ala na fakatupu fefele atu kiate koe ; E fakaliliu loa latou ko ni nea noa, e lotou pupuli loa, Latou ala na fai ia le tau kiate koe.

Selemia 13:25

Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Selemia 2:3

Na fakatapu Iselaele ki le Eteleno Na liliu a ia ko uluaki fua o lona tupu. Ko latou fuli ala na kai kiate ia na agasala, Ti na vilo le malaia kia latou, e pati le Eteleno.

Selemia 49:10

Kae ko au, e kau fakamativa loa Esau, E kau fakasa loa ona maloloaga, E leaise mafai loa ke toe mumuni a ia ; E mamate loa ana fanau, mo ona fetaina, mo ona vasaa fale, Ti e leaise toe maua loa a ia.

Esekiele 39:10

E leaise lotou too loa ni fafie i faisaga, Ti e leaise lotou tuuti loa ni fafie i vaomatua, Talie e lotou tafu loa a afi ki masafu. E lotou fakamativa loa latou ala na fakamativa ia latou, E lotou kaia loa latou ala na kaia ia latou ; E pati le Aliki, le Eteleno.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Tuifakamaau 5:31

Ke mamate fenaaki ou fili fuli, ei Eteleno ! Kae ko latou ala e alofa kiate ia, Ke lotou faipe le laa, I lana sopo ake i lona gigila katoa. Na malolo loa le fenua i fetuu e kau fa.