Esaia 17:13 - Tosi Tapu

¹³ Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Esaia 17:13 ပူးပေါင်းရင်းမြစ်များ

Sopo 21:18

Ke lotou faipe le mutie leia kua agina i le matagi, Pe le penu leia kua ave e le asesio.

Sopo 38:11

I le temi na kau pati ai : E ke au loa o kaku mai ki leinei, e leaise ke toe fakalaka atu loa ki leia ; E gato loa i leinei le fia nealasi o ou galu ?

Pesalemo 1:4

E leaise fenaaki le kau agaveli : E lotou faipe le penu leia e viligia i le matagi.

Pesalemo 35:5

Ke lotou faipe le penu leia e veteki e le matagi, Ti ke kapu latou e le aselo a le Eteleno !

Pesalemo 65:7

E fakamakeke e ia a mauga ki lona makeke, E toi a ia ki le mafimafi ;

Pesalemo 65:8

E lolomi e ia le gugulu o atu tai, le gugulu o olotou galu, Ti mo le maveuveu o atu puleaga.

Pesalemo 9:5

Talie na ke puipui loku faitotonu mo laku gaoi, E ke eke i lou ekeekeaga fakasau o fakamaau i le faitotonu.

Esaia 14:25

E kau fatii loa le Asilia i loku fenua ; E kau takatakafi loa a ia ki oku vae i oku mauga ; Ti e too loa lana laakau taki i loku kakai ko Iselaele, Ti e too loa lana kavega i olatou tuauma.

Esaia 21:15

Talie e lotou sosola i mua o seleta, I mua o le seleta telefua, i mua o le kalolo kua fakamakona, I mua o se tau kua vevela.

Esaia 22:18

E tekai loa e ia a koe, io, e tekai loa e ia a koe ofaipe se fa fitipolo Ki se kele lau lasi. I lena e ke mate ai loa, i lena e tuku ai loa au saliote fulumalilie, A koe ko le lumaaga o le fale o lou pule !

Esaia 27:1

I le aso lena, e taai loa e le Eteleno ki lana seleta lasi, mo fakaii, mo makeke, Le leviatane, gata kaikivao, Le leviatane, gata pikopiko ; Ti e tamate loa e ia le talakone leia e nofo i le tai.

Esaia 29:5

E fai loa le api o ou fili pe se ao efu, Ti e fai loa le kau solia api lena pe se tuuga penu leia kua mavetevete i le matagi. Kae e soko fakapunamauli loa le nea leinei i le temi e tasi :

Esaia 30:28

E fai lana tukumanava pe se vaitafe kua puke o kaku ki le ua, Ke ti ki aluga a atu puleaga ki le foe o le malaia, Pe se fakagutu kaka I kauvae o atu puleaga.

Esaia 34:17

Kua fai e ia kia latou le toso, Ti kua vae e lona lima kia latou le fenua ki le afo. E lotou maua loa a ia o lee gato, E lotou nonofo loa i ai i tautupu mo tautupu.

Esaia 40:15

Ko leinei, ko puleaga e faipe se fa moti vai i se pakete, E lotou faipe le efu i se fua ; Ko leinei, e fai a motu pe se efu maninifi leia e agina.

Esaia 40:24

Na leaise to fua latou ki le kele, pe na muluki fua latou, Na leikiaise lotou maua foki ni olatou aka i le kele : Kae kua agi le matagi kia latou, ti kua lotou malo ai, Ti kua ave latou e se sasataki ofaipe ni penu.

Esaia 41:11

Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Esaia 8:7

Ko leinei, e fai loa e le Aliki ke pale mai kia latou A vai makeke mo lalasi o le vaitafe (Le sau o Asilia mo lona kololia katoa) ; E pale loa a ia i lona tafeaga i ganea fuli, Ti e mafola loa a ia i ona kauvai fuli.

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Sofoni 2:2

I mua o le fakasoko o le fakatotonu, Ti mo le fakalaka o le aso aia ofaipe le penui fulumeto, I mua o le vilo o le sausau kaka o le Eteleno kia koutou, I mua o le vilo o le aso o le sausau o le Eteleno kia koutou !