Esaia 17:10 - Tosi Tapu

¹⁰ O tupu na ke galoi le Atua o lou fakamauli, Na leaise ke manatui le utu o lou ulufaga. Koia na ke fai ai ni oloto malolo, Ti na ke to ai ni tafito vite matapule.

Esaia 17:10 ပူးပေါင်းရင်းမြစ်များ

Uluaki tosi o Koloniko 16:35

Ke kotou pati : Fakamauli matou, Atua o lomatou fakamauli, Fakatasii matou, ti ke fakamavae matou mei loto malie o atu puleaga, O tupu ke motou fakavikiviki i lou suafa maokioki Ti ke motou fefakamaloaki loa i le fakavikiviki kiate koe !

Pesalemo 106:13

Kae na lotou galoi vave loa ana gaoiaga, Na leaise lotou talitali loa ki le fakasoko o ana fakatuutuu.

Pesalemo 106:21

Na lotou galoi loa le Atua, lolatou fakamauli, Leia na fai ia ni nea lalasi i Esipito,

Pesalemo 18:2

E kau alofa kiate koe, Eteleno, loku makeke !

Pesalemo 31:2

Eteleno ! e kau afa iate koe loku mumuniaga : Ke aua na kau luma i se aso ! Fakamauli au i lou faitotonu !

Pesalemo 65:5

Manuia leia e ke filifili ti e ke fakaulu ki lou agaiaga, O tupu ke nofo a ia i ou malae ! E motou makokona loa i le fiafia o lou fale, I le maokioki o lou fale tapu.

Pesalemo 79:9

Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Pesalemo 85:4

Kua ke too lou sausau katoa, ti kua ke tafoki mei le ulaula o lou sausau.

Pesalemo 9:17

E fakasa e le Eteleno lona anoaga totonu, e fakasa e ia lona faitotonu : E sai e ia le tagata agaveli ki le gaoi o ona lima. -Musika. -Manava.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 17:9

I le aso lena, e tiaki loa a kolo tau o Iselaele Ofaipe le tiaki i mua o kolo o le kau Evi mo le kau Amole : Ti e tuu loa i ai se toafa.

Esaia 18:5

I mua o le tau o vite, i le temi leia e gato ai le somo o le vite, I le temi leia e liliu ai a se ko ni fuai vite ala e leleu, Ti e talai ai a laa ki le sele, ti e paki ai a somo, kae koti ai a lau…

Esaia 25:4

Talie na ke liliu ko se tokoi ki le tagata gaegae, Ko se mumuniaga ki le tagata mativa i le mamae, Ko se ulufaga i le afa, Ko se malu i le vevela ; Talie e tatau le tukumanava o le kau tukipo Mo le sasataki leia e taai ia se paa fatu.

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 30:29

E kotou sua loa ofaipe le po leia e fai ai se lafeti, E fiafia loa okoutou loto ofaipe leia e saele kae ta ukalele, O ano ki le mauga o le Eteleno, ki le utu o Iselaele.

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 2:32

Pe galoi e le taine taupoou ona teu ? Pe galoi e le taine feauaki lona kilipipi ? Kae na galoi au e loku kakai Talu mei fualoa.

Selemia 3:21

E logo ki se leo i potu taualuga : Ko tagi mo lauga a fanau o Iselaele ; Talie kua lotou sese, Kua lotou galoi le Eteleno, lolatou Atua.

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 23:35

Koia e folafola ai le Aliki, le Eteleno, o pati : O tupu na ke galoi au, O tupu na ke tiaki au ki ou muli, Koia e ke amo ai loa le tua o au aga fakalialia mo au faiaga.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Oseo 8:14

Talie kua galoi e Iselaele leia na fakatupu ia a ia, Ti na fakatuu e ia ni fale sau, Ti na liuliuga e Suta a kolo tau ; Kae e kau kakau loa le afi ki olatou kolo, Ti e tutu loa e ia olatou fale sau.

Soele 1:17

Kua malo a pulapula i le kele ; Kua lavaki a tanakiaga magiti ; Kua maumau a fale koloa, Talie e leaise koi maua se fulumeto.

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Apakuki 3:18

Kae, e kau loto ke kau fakafiafia i le Eteleno, E kau loto ke kau fakafiafia i le Atua o loku fakamauli.

Sofoni 1:13

E kaia loa olatou koloa, Ti e maumaui loa olatou fale. E lotou pakia loa i le fakatuu o ni fale kae e leaise lotou nonofo loa i ai. E lotou pakia loa i le to o ni vite kae e leaise lotou inu loa ki lona vino.

Tetelonome 28:30

E ke feauaki loa mo se fafine, ti e momoe loa a ia mo se tasi ake tagata ; e ke fakatuu ia loa se fale, ti e leaise ke nofo loa i ai ; e ke to ia loa se vite, ti e leaise ke kai loa ki ai.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:18

Io, Iselaele, na ke tiaki loa le Utu leia na fakatupu ia a koe, Ti na ke galoi loa le Atua leia na fanaui ia a koe.

Tetelonome 32:31

Talie e leaise tatau lolatou utu mo lotatou Utu, Leia kua fakamaoki ki ai otatou fili.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Tetelonome 6:12

Ka ke kai loa lau nea kai o ke makona, ke ke tokaga ai na galo le Eteleno, leia na fakamavae ia a koe mei le fenua o Esipito, leia na ke popula ai.

Tetelonome 8:11

Ke ke tokaga ai na galo loa iate koe le Eteleno, lou Atua, o ke tiaki loa ana folafola, mo ana fakatotonu, mo ana lao, ala e kau tuku kiate koe i le aso nei.

Tetelonome 8:14

ke ke tokaga ai na makita loa lou loto, o ke galoi loa le Eteleno, lou Atua, leia na fakamavae ia a koe mei le fenua o Esipito, mei le fale o le popula,

Tetelonome 8:19

Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.