Esaia 16:7 - Tosi Tapu

⁷ Koia kua tagi laulau ai Moape ki Moape, ti kua tagi laulau nea fuli. Kua kotou fetagisi i le maumaui o Kile-Aleseti, Leia na taai fakaveliveli ki lalo.

Esaia 16:7 ပူးပေါင်းရင်းမြစ်များ

Lua tosi o Sau 3:25

Na lotou maumaui loa a kolo, na lotou laku loa ni fatu o tanumia ai a faisaga malilie fuli, na lotou tanu loa a matapuna vai fuli, ti na lotou sele loa a laakau malilie fuli ; ti na takatakai loa e le kau fai makamaka le kolo ko Kile-Aleseti, o taui, kae na lotou tuku loa ona fatu.

Uluaki tosi o Koloniko 12:40

Ti ko latou foki ala na nonofo o ofi mai kia latou o kaku ki le fenua o Isakale, mo Sapulone, ti mo Nefetali, na aumai ia loa ni nea kai i ni asino, i ni kamelo, i ni osi, i ni pipi, ni nea kai na teuteui ki le falina, mo ni paapaa fuai fiki malo, mo ni paapaa fuai vite malo, mo se vino, mo se lolo, mo ni pipi, ti mo ni ovi mauke ai, talie na lasi ai le fiafia i Iselaele.

Uluaki tosi o Koloniko 16:3

Ti na tufa loa e ia kia latou fuli o Iselaele, ki le tagata taki toka tasi mo le fafine taki toka tasi, se fa pane, mo se inati, ti mo se fa kato fuai vite.

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Selemia 48:20

Kua luma Moape, talie kua fati a ia. Kotou tagi laulau ti kotou tagi leo lasi ! Kotou fakasa i Alenone Kua maumaui Moape !

Selemia 48:31

Koia leia e kau tagi ai kia Moape, E kau tagi kia Moape katoa ; E kau tagi ki le kakai o Kile-Elesi.