Esaia 16:5 - Tosi Tapu

⁵ Kae e tuu mau loa le ekeekeaga o le sau i le manava alofa ; Ti e eke loa i ai se Tuifakamaau agatonu mo alofa ki le faitotonu Mei le sakoga o Tavite.

Esaia 16:5 ပူးပေါင်းရင်းမြစ်များ

Lua tosi a Samuele 23:3

Na masau le Atua o Iselaele, Na pati mai kiate au le utu o Iselaele : Ko leia e pule ki le kakai i le faitotonu, Ko leia e pule i le fakaapaapa ki le Atua,

Lua tosi a Samuele 5:9

Na nofo loa Tavite i le kolo tau, leia na fakaigoa loa e ia ko le kolo o Tavite. Na toe laga foki e ia ni iki kolo tau i le takatakai o le kolo, i le vasa o Milo mo lona nofoaga.

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Uluaki tosi o Sau 10:9

Ke fakafetai ki le Eteleno, lou Atua, leia na tuku ia kiate koe le kalasia ke nofo i le ekeekeaga fakasau o Iselaele ! E tupu ko le alofa lee gato o le Eteleno ki Iselaele, leia kua fakanofo ai a koe e le Eteleno ko le sau o tupu ke ke fai le fakamaau mo le faitotonu.

Lua tosi o Koloniko 31:20

Ko lena le nea leia na fai loa e Esekiasi i Suta katoa ; na fai loa e ia le nea leia e malie, le nea leia e totonu, le nea leia e maoki, i mua o le Eteleno, lona Atua.

Pesalemo 85:10

Io, e ofi lona fakamauli kia latou ala e i kiate ia, O tupu ke nofo le kololia i lotatou fenua.

Pesalemo 89:14

E mafimafi lou lima, E makeke lou alofi lima, e taualuga lou lima atamai.

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Pesalemo 99:4

Ke fakamalo ki le makeke o le sau leia e alofa ki le faitotonu ! E ke fakamakeke le maokioki, E ke fai le faitotonu mo le maoki i le fale o Sakopo.

Taagapati 20:28

Ko le agamalie mo le agatonu e taupau ia le sau, Ti e fakamakeke e ia lona ekeekeaga fakasau i le agamalie.

Taagapati 29:14

Ko le sau leia e fakamaau ia le kau mativa i le faitotonu, E fakamakeke ia lana pule o lee gato.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 55:4

Ko leinei, na kau fakanofo a ia ke fakamaoki i mua o ni kakai, Ke takimua mo pule ki atu puleaga.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.