Esaia 16:4 - Tosi Tapu

⁴ Tuku le kau popula o Moape ke nofo i lou fenua ; Ke ke liliu kia latou ko se ulufaga i le tagata tukipo ! Talie e gato loa le popula, ti e oki loa le maumaui, Ti e puli loa leia e takatakafi ia le fenua.

Esaia 16:4 ပူးပေါင်းရင်းမြစ်များ

Esaia 14:4

E ke too loa le sua leinei ki le sau o Papilone, Ti e ke pati loa : E a koia ! kua puli le tagata tukipo ! Kua gato le popula !

Esaia 15:6

Talie kua maumaui a vai o Nimelimi, Ti kua malo le vao, ti kua puli le mutie sesega, Ti kua mamate mo laakau.

Esaia 25:10

Talie e malolo le lima o le Eteleno i le mauga leinei ; Ti kua takatakafi a Moape i lona tuuaga, Ofaipe le takatakafi o ni penu i le popoko penu.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Esaia 9:4

Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Selemia 21:12

Fale o Tavite ! E folafola le Eteleno, o pati : Kotou kamata okoutou aso i le fai o ni fakamaau i le faitotonu, Kotou fakalauatea le tagata popula i lima o lona pule, Ke aua na vilo loku sausau ofaipe se afi, Ti ke aua na ula a ia kae e leaise mafai loa lona tamate, O tupu ko le agaveli o akoutou gaoi.

Selemia 40:11

Na logo loa le kau Sutea katoa, leia na nofo i le fenua o Moape, mo le fenua o le kau Amone, mo le fenua o Etome, mo fenua fuli, kua tuku e le sau o Papilone se ga toetoega i Suta, ti kua fakanofo e ia Ketalia, vosa o Asikame, vosa o Safani, ke pule kia latou.

Selemia 48:18

Ifo mei le nofoaga o le kololia, o tonatona i le kele malo, A koe, taine o Tiponi ! Talie kua pale mai kiate koe le tagata maumau o Moape, Ti e maumaui e ia ou kolo tau.

Selemia 48:8

E ulu loa le tagata maumau ki le kolo taki tasi, Ti e leaise sao loa se kolo e tasi ; E mate loa le fenua o le vaivailiua, Ti e maumaui loa le fenua o le toafa, Ofaipe lona fakasa e le Eteleno.

Apetiasi 1:14

Na leaise tonu ke ke tuu i ona magai ala o tamate latou ala na sosola, Ti na leaise tonu ke ke soli ki le fili latou ala na sao i le aso o lona mamae !

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Sakalia 9:8

E kau nofo loa o takatakai loku fale o puipui a ia i se solia, Meia latou ala e ano ti au, Ti e leaise toe fakalaka loa le tagata fakaveliveli i tafa o loku kakai ; Talie i le temi nei e tio mau oku mata kiate ia.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Loma 16:20

Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !

Tetelonome 24:14

Ke aua na ke pule fakaveliveli ki lau tagata gaoi, o tupu ko lona mativa mo lona fakaaloalofa, tatau pe ko lou taina pe ko se matapule leia e nofo mo koe i lou fenua.

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.