Esaia 16:11 - Tosi Tapu

¹¹ Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 16:11 ပူးပေါင်းရင်းမြစ်များ

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 48:31

Koia leia e kau tagi ai kia Moape, E kau tagi kia Moape katoa ; E kau tagi ki le kakai o Kile-Elesi.

Selemia 48:36

Koia e tagi ai loku loto ofaipe se fulute ki Moape, E tagi loku loto ofaipe se fulute ki le kakai o Kile-Elesi, O tupu kua pupuli a koloa fuli ala na lotou tanaki.

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,