Esaia 15:6 - Tosi Tapu

⁶ Talie kua maumaui a vai o Nimelimi, Ti kua malo le vao, ti kua puli le mutie sesega, Ti kua mamate mo laakau.

Esaia 15:6 ပူးပေါင်းရင်းမြစ်များ

Selemia 14:5

Tatau foki mo le tia i le ulu fenua, E fanau a ia ti e tiaki e ia lona uviki, Talie e leaise koi maua se lau laakau mata.

Selemia 48:34

E logo a kalaga a Eseponi o kaku ki Eleale, Ti e kaku foki olatou leo ki Saate, Mei Tesoale o kaku ki Kolonaimi, mo Ekalate-Selisisa ; Talie kua maumau foki a vai o Nimelimi.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Numelo 32:3

Ko Ataloti, mo Tiponi, mo Saesele, mo Nimila, mo Eseponi, mo Elale, mo Sepami, mo Nepo, mo Peoni,

Numelo 32:36

mo Pete-Nimila, mo Pete-Alane : Na lotou fakaliliu loa latou ko ni kolo tau ; ti na lotou fakatuu foki ni lotoa ki alatou kau manu.

Sosue 13:27

ti, i le vaivailiua o le Solotane, mo Pete-Nimila, mo Sukoti, mo Tesafoni, ko le toe o le puleaga o Sioni, leia na sau i Eseponi, mo le Solotane, leia na tuu ko le koiga o kaku ki le vai ko Senesaleti, i le potu esite.

Apokalipisi 8:7

Ko le uluaki aselo na pupusi ia loa lana fakatagi. Ti na to loa ki le kele malo se ua fatu ti mo se afi, kua filo mo le toto ; ti na vela loa le vaega tolu o le kele malo, ti na vela loa le vaega tolu o laakau, ti na vela loa a mutie sesega fuli.