Esaia 15:1 - Tosi Tapu

¹ Folafola ki Moape. I le po totonu leia na maumaui ai Moape, Na toe maumaui ai foki Ale-Moape ! I le po totonu leia na maumaui ai Moape, Na toe maumaui ai foki Kile-Moape !…

Esaia 15:1 ပူးပေါင်းရင်းမြစ်များ

Lua tosi o Sau 3:25

Na lotou maumaui loa a kolo, na lotou laku loa ni fatu o tanumia ai a faisaga malilie fuli, na lotou tanu loa a matapuna vai fuli, ti na lotou sele loa a laakau malilie fuli ; ti na takatakai loa e le kau fai makamaka le kolo ko Kile-Aleseti, o taui, kae na lotou tuku loa ona fatu.

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 13:1

Ko le folafola kikite ki Papilone, leia na fakasa kia Esaia, vosa o Amotesito.

Esaia 14:28

Na fai le folafola leinei i le fetuu o le mate o le sau ko Akase :

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 16:6

Kua motou logo ki le laukau o Moape, Ki lona nekenekea mo lona fia taualuga, Ki lona matasoka mo ana masau vaiga.

Esaia 16:7

Koia kua tagi laulau ai Moape ki Moape, ti kua tagi laulau nea fuli. Kua kotou fetagisi i le maumaui o Kile-Aleseti, Leia na taai fakaveliveli ki lalo.

Esaia 25:10

Talie e malolo le lima o le Eteleno i le mauga leinei ; Ti kua takatakafi a Moape i lona tuuaga, Ofaipe le takatakafi o ni penu i le popoko penu.

Esaia 25:12

E sigai loa e ia, ti e maumaui loa e ia a kaua fatu taualuga ala na malui ia a koe Moape, Io, e laku loa e ia latou ki le kele, o kaku ki le efu.

Selemia 9:26

Esipito, Suta, Etome, fanau o Amone, Moape, Latou fuli ala e tele ia olatou ma, Latou ala e nonofo i le toafa ; Talie e lee silikosisio a atu puleaga fuli, Ti e lee silikosisio le loto o le fale katoa o Iselaele.

Numelo 21:28

Talie kua mafuta se afi mei Eseponi, Se ula mei le kolo o Sioni ; Kua maumaui e ia a Ale-Moape, Mo le kakai o mauga o le Alenone.

Tetelonome 2:18

E ke fakalaka loa i le aso nei i le koiga o Moape, i Ale,

Tetelonome 2:19

ti e ke fakafeofi loa ki fanau a Amone. Ke aua na ke fai loa se nea veli kia latou, ti ke aua na ke taui loa latou ; talie e leaise kau tuku loa se nea fuai e tasi kiate koe i le fenua o fanau a Amone : ko fanau o Lote ala kua kau soli ki ai le fenua leinei ko lolatou tofiga.

Tetelonome 2:9

Na pati mai loa le Eteleno kiate au : Ke aua na ke fai ia loa se nea veli kia Moape, ti ke aua na ke taui loa a ia, talie e leaise kau soli loa kiate koe se nea fua e tasi i lona fenua. Talie, ko fanau o Lote ala kua kau soli ki ai le fenua o Ale.