Esaia 14:26 - Tosi Tapu

²⁶ Ko lena le nea leia kua kau fakapapau ki le malama nei katoa ; Ko lena le nea leia e fai loa e loku lima falo ki atu puleaga fuli.

Esaia 14:26 ပူးပေါင်းရင်းမြစ်များ

Ekesote 15:12

Na ke falo lou lima atamai : Ti na folo latou e le kele.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Esaia 23:11

Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Esaia 25:11

I loto o le popoko lena, e falo e ia ona lima, Ofaipe se tasi leia e kakau ; Kae e taai loa e le Eteleno ki lalo lona fia nealasi, Ti e maumaui loa e ia a gaoi kaka o ona lima.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 25:15

Talie na masau mai kiate au le Eteleno, le Atua o Iselaele, o pati : Too i loku lima le ipu leinei kua apele i le vino o loku sausau, Ti ke fakainu a ia ki atu puleaga fuli Ala e kau kakau loa a koe ki ai.

Sofoni 2:13

E falo loa e ia lona lima ki le potu noleto, E maumaui loa e ia Asilia, Ti e fakaliliu loa e ia Ninive ko se kele lavaki, Ko se kele malo ofaipe le toafa.