Esaia 14:24 - Tosi Tapu

²⁴ Kua fakapapau le Eteleno o kau tau, o pati : Io, e soko loa le nea leia na kau fakatotonu ki ai ; E soko maoki loa le nea leia na kau loto ki ai.

Esaia 14:24 ပူးပေါင်းရင်းမြစ်များ

Senesi 41:32

Kapau na tio tua lua Falaone ki le moe miti, ko lona uiga, kua fakapapau e le Eteleno ke fai le nea lena, ti e leaise toe talitali loa a ia.

Sopo 23:13

Kae kua oki lana fakatuutuu i le fai ; ko ai e toe fakatuu ia loa a ia ? E fai e ia le nea leia e oli ki ai lona loto.

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Pesalemo 92:5

E ke fakafiafia au ki au gaoi, ei Eteleno ! Ti e kau sua i le fiafia lasi le gaoiaga o ou lima.

Ekesote 17:16

Ti na pati loa a ia : Talie na siki e Amaleke lona lima ki le ekeekeaga fakasau o le Eteleno, e fakapapau le Eteleno, e taui tuumau loa e le Eteleno a Amaleke, i tautupu mo tautupu.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 10:5

Malaia ki Asilia, ko le laakau o loku sausau ! Ko le laakau a ia i lona lima, ko le nea gaoi a ia o loku sausau.

Esaia 19:12

Kofea koia ou kau poto ? Ke lotou fakasa atu kiate koe ni levelasio, Ti ke lotou fakailo atu kiate koe a fakatuutuu ala na fai e le Eteleno o kau tau ki Esipito.

Esaia 19:17

Ti e liliu loa le fenua o Suta ko se nea fakaii ki Esipito : I temi fuli e masau ai loa ki ai i ona mua, e nofo loa a ia i le i lasi, O tupu ko le tonuaga leia ka too loa e le Eteleno o kau tau kiate ia.

Esaia 55:8

Talie ko aku manatu e leaise ko akoutou manatu, Ti ko okoutou ala e leaise ko oku ala, E pati le Eteleno.

Esaia 55:9

Talie e faipe le atu lagi e taualuga ake i le malama nei, E toe taualuga ake foki oku ala i okoutou ala, Ti mo aku manatu i akoutou manatu.

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Selemia 29:11

Talie e pati le Eteleno, e kau iloa a fakatuutuu ala kua kau fai kia koutou, ko fakatuutuu o le tokamalie kae leai o le malaia, o tupu ke soli kia koutou se apogipogi mo se amanaki malie.

Selemia 44:26

Kotou fakalogo mai ki le folafola a le Eteleno, koutou fuli ko kakai o Suta ala e nonofo i le fenua o Esipito ! E pati le Eteleno : Ko leinei, e kau fakapapau i loku suafa taualuga, e leaise toe too loa loku suafa e le gutu o se tagata fuai e tasi o Suta, ti e leaise pati loa se tasi i le fenua katoa o Esipito : E mauli le Aliki, le Eteleno !

Selemia 49:20

Koia kotou fakalogo mai ki le fakapapau leia na fai e le Eteleno ki Etome, Ti mo fakatuutuu ala na fai e ia ki le kakai o Temane ! E maoki e toso loa latou ki fafo ofaipe ni ovi gagae, E maoki e maumaui loa lolatou nofoaga.

Selemia 50:45

Koia kotou fakalogo mai ki le fakapapau leia na fai e le Eteleno ki Papilone, Ti mo fakatuutuu ala na fai e ia ki le fenua o le kau Kaletea ! E maoki e toso loa latou ki fafo ofaipe ni ovi gagae, E maoki e kaia loa lolatou nofoaga.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Esekiele 12:25

Talie ko au, le Eteleno, e kau masau loa ; Ko le nea leia e kau fakasa loa e soko loa, Ti e leaise toe tuvai loa a ia ; Io, i okoutou aso, famili o kau agatuu, E kau fakasa loa se folafola ti e kau fakasoko loa a ia, E pati le Aliki, le Eteleno.

Esekiele 39:4

E ke mate loa i mauga o Iselaele, A koe mo au kau solia fuli, Ti mo kakai fuli ala e kau mo koe ; E kau soli loa a koe ko le nea kai a manu lele fekai fuli, Ti mo manu o faisaga.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Amosi 8:7

Kua fakapapau le Eteleno i le kololia o Sakopo : E leaise kau toe galoi loa sana gaoi fua e tasi.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Gaoi 4:28

o fai a nea fuli ala na fakatuutuu fakatomua e lou lima ti mo lou poto.

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Epelo 4:3

Kia tatou ala kua tui, e tou ulu ki le maloloaga, o mulimuli ki lana pati : Na kau fakapapau i loku ita : Eleaise lotou ulu loa ki loku maloloaga ! Na fakasa e ia le nea lena, kae kua oki ana gaoi talu mei le fakatupu o le malama nei.

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.