Esaia 14:23 - Tosi Tapu

²³ E kau fakaliliu loa a ia ko le nofoaga o le eliso ti ko se pela, Ti e kau seu loa a ia ki le seupenu o le maumau, E pati le Eteleno o kau tau.

Esaia 14:23 ပူးပေါင်းရင်းမြစ်များ

Uluaki tosi o Sau 14:10

Ko le tupuaga a ia o laku aumai le malaia ki le fale o Selopoamo ; e kau tamate loa latou fuli ala e kau kia Selopoamo, leia e popula mo leia e lauateaia i Iselaele, ti e kau seu loa le fale o Selopoamo ofaipe le seu o ni penu, o kaku ki lona puli oki.

Lua tosi o Sau 21:13

E kau maumaui loa Selusalemi ofaipe laku maumaui Samalia mo le famili o Akapo ; e kau fufulu loa Selusalemi ofaipe se pa leia e fufulu, ti e fakapulou i le oki o lona fufulu.

Esaia 13:20

E leaise toe nofo loa i ai i se aso, Ti e leaise toe fakakakai loa a ia i se aso ; E leaise toe fakatuu loa i ai e le Alape lona falela, Ti e leaise toe fagai loa i ai e le kau tausi manu alatou kau manu.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 21:1

Folafola a le Atua ki le toafa o le tai. Ofaipe le malaga a le sasataki mei le potu saute, E au a ia mei le toafa, mei le fenua fakaii.

Selemia 50:26

Kotou ulu mei potu fuli ki Papilone, Kotou fakamavaa ona fale magiti, Kotou fetuku a koloa o tanaki fakatuuga, Ti kotou maumaui a ia ! Ke aua na toe toe se nea iate ia !

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Selemia 51:62

Ti e ke pati loa : Eteleno, ko koe leia na fakasa ia e maumaui loa le ganea leinei, ti e leaise toe nofoi loa a ia e se tagata pe ko se manu, kae e liliu loa a ia ko se toafa o lee gato.

Sofoni 2:14

E momoe loa ni kau manu i loto malie o Ninive, Mo ni manu i faasiga kesekese ; Ko le palikano mo le eliso E nonofo fakatasi loa i puloga o ona pou ; E tagi loa a manu lele i katupa o ona fale ; E kamata loa le maumau i le mua matapa, Talie e tata loa a papa sete o aofi.

Apokalipisi 14:8

Ti na muli loa iate ia se tasi ake aselo, ko se lua aselo a ia, o pati : Kua vilo Papilone, kua vilo le kolo lasi, leia na fakainu ia a puleaga fuli ke kona ki le vino o lana fai feauaki fakaii !

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,