Esaia 14:22 - Tosi Tapu

²² E pati le Eteleno o kau tau : E kau tuu ake loa ki aluga o tau kia latou ; E kau pulii loa le igoa mo le tuuaga o Papilone, Mo ana fanau ti mo lona sologa, e pati le Eteleno.

Esaia 14:22 ပူးပေါင်းရင်းမြစ်များ

Uluaki tosi o Sau 14:10

Ko le tupuaga a ia o laku aumai le malaia ki le fale o Selopoamo ; e kau tamate loa latou fuli ala e kau kia Selopoamo, leia e popula mo leia e lauateaia i Iselaele, ti e kau seu loa le fale o Selopoamo ofaipe le seu o ni penu, o kaku ki lona puli oki.

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 21:9

Ti ko leinei, kua au se tagata i se saliote leia e toso e ni osi ! Ti kua fakamavaa e ia lona gutu, o kalaga : Kua vilo a ia, kua vilo a ia, a Papilone, Ti kua fatifati a fakatata fuli o ona atua i le kele !

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Naume 1:14

Ko leinei le nea leia na fakatotonu e le Eteleno kiate koe : E leaise ke toe maua ia loa sou sakoga ke taupau ia lou igoa ; E kau too loa i le fale o lou atua a fakatata laakau mo fakatata ukamea saka ; E kau teuteu loa lou tanuma, talie e ke maamaa ai !