Esaia 14:20 - Tosi Tapu

²⁰ E leaise tanu fakatasi loa a koe mo latou i le tanuma, O tupu na ke maumaui lou fenua, ti na ke tamate lou kakai : E leaise toe masau loa i se aso ki le sakoga o le kau agaveli.

Esaia 14:20 ပူးပေါင်းရင်းမြစ်များ

Lua tosi o Sau 9:35

Na lotou ano loa ke tanu a ia ; kae na lotou maua fai lona pati ulu, mo ona taga vae, ti mo ona alofilima.

Sopo 18:16

E malo loa ona aka i lalo o le kele, O kaku ki ona laa i aluga.

Sopo 18:17

E leaise toe manatui loa a ia i le malama nei, Ti e leaise toe too lona igoa i se ganea.

Sopo 18:19

E leaise maua loa e ia se vosa pe ko se makopuna i lona kakai, Ti e leaise toe mauli loa se tasi i lona famili katoa.

Pesalemo 109:13

Ke tuuti lona sakoga, Ti ke puli lolatou igoa i tautupu ka au !

Pesalemo 21:10

E ke fakaliliu loa latou ofaipe se gutuumu kaka, I le aso leia e ke fakasa ai loa a koe. E maumaui loa latou e le Eteleno i lona sausau, Ti e tutu loa latou e le afi.

Pesalemo 37:28

Talie e alofa le Eteleno ki le faitotonu, Ti e leaise tiaki e ia lana kau agatonu : E taupau tuumau e ia latou. Kae e motusi e ia le sakoga o le kau agaveli.

Ekelesiasi 6:3

Kapau e maua loa e se tagata ni vosa e kau lelau, ti e mauli loa a ia i ni fetuu mauke, kae na leaise fiafia lona laumalie i lona mauli loa lena, ti na leaise fai sona putu i lona mate, e kau pati e malie ake le toe leia kua mate i lona fanaui i le tagata lena.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 31:2

Kae e poto foki mo ia, e aumai e ia le malaia, Ti e leaise toe too e ia ana folafola ; E tuu loa a ia ki aluga ki le fale o le kau agaveli, Ki le tokoi a latou ala e fai ia le agaveli.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.