Esaia 14:2 - Tosi Tapu

² E too loa latou e kakai, o toe fakaliliu ki olatou nofoaga, Ti e toe maua loa latou e le fale o Iselaele i le fenua o le Eteleno, Ofaipe ni tagata fakasausau mo ni fafine fakasausau ; E lotou fakapopula loa latou ala na fakapopula ia latou, Ti e lotou pule loa kia latou ala na fakaveliveli ia latou.

Esaia 14:2 ပူးပေါင်းရင်းမြစ်များ

Esetalasi 2:65

kae na leaise lau alatou tagata fakasausau mo alatou fafine fakasausau, ala na api ko afe e fitu tino lelau tolu tino tolu tupu fitu. Na kau i ai ni kau tagata sua mo ni kau fafine sua, ala na tino lelau lua.

Pesalemo 68:18

Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Esaia 18:7

I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Esaia 31:8

Ti e vilo loa le tagata Asilia i se seleta e leaise ko se seleta a se tagata, Ti e kai loa a ia e se seleta e leaise ko se seleta a se tagata. E sola loa a ia i mua o le seleta, Ti e popula loa ana tagata tau muli.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 49:22

Koia na folafola ai le Aliki, le Eteleno : Ko leinei, e kau siki loa loku lima ki atu puleaga, E kau toso loa laku manumanu ki atu kakai ; Ti e lotou aumai loa ou vosa i olatou lima, Ti e lotou amo loa ou taineliki i olatou tuauma.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:25

Io, e pati le Eteleno, e too loa leia e popula ki le tagata makeke mei ona lima, Ti e too loa le koloa o le tagata agaveli mei ona lima. E kau taui loa ou fili, Ti e kau fakamauli loa ou vosa.

Esaia 54:3

Talie e ke mafolafola loa ki le fetuu atamai mo le fetuu sema ; E maua loa e lou sakoga ni puleaga, Ti e fakakakai ia loa ni kolo lavaki.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esaia 61:5

E nofo loa ni kau matapule i ai, ti e lotou fagai loa akoutou kau manu, E gaoi loa ni vosa o le matapule i akoutou faisaga mo akoutou vite.

Esaia 66:12

Talie e folafola le Eteleno : Ko leinei, e kau tuku loa kiate ia le tokamalie ofaipe se vaitafe, Ti mo le kololia o atu puleaga ofaipe se vaitafe lau lasi. E fakau loa koutou, E luluku loa koutou i lima, Ti e amoamo loa koutou i tuli.

Selemia 30:16

Kae e maoki e kai loa latou fuli ala na kai ia a koe, Ti ko ou fili fuli, io fulifuli, e ano loa ki le popula ; Ko latou ala na fakatelefua ia a koe e telefua loa, Ti e tuku loa ki le kaia latou fuli ala na kaia ia a koe.

Selemia 49:2

Koia e folafola ai le Eteleno, o pati : E soko mai loa a aso Ala e kau fakagugulu ai loa le kalaga o le tau ki Lapati o fanau a Amone ; E liliu loa a ia ko se tuuga fatu maumau, Ti e tutu loa e le afi ona kolo liliki ; I le aso lena e kapu loa e Iselaele latou ala na kapu ia a ia, e pati le Eteleno.

Esekiele 39:10

E leaise lotou too loa ni fafie i faisaga, Ti e leaise lotou tuuti loa ni fafie i vaomatua, Talie e lotou tafu loa a afi ki masafu. E lotou fakamativa loa latou ala na fakamativa ia latou, E lotou kaia loa latou ala na kaia ia latou ; E pati le Aliki, le Eteleno.

Taniela 7:18

kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Soele 3:8

E kau fakatau loa okoutou vosa mo okoutou taineliki ki fanau o Suta ; Ti e lotou toe fakatau loa latou ki le kau Sapea, puleaga mamao. Talie kua masau le Eteleno.

Levitiko 25:44

Ko puleaga ala e takatakai ia koutou e ke too loa mei ai lau tagata fakasausau mo lau fafine fakasausau ala e fakalogo loa kiate koe : ko puleaga ana ala e ke totogi loa mei ai le tagata fakasausau mo le fafine fakasausau.

Apetiasi 1:17

Kae e nofo loa le fakamauli i le mauga o Sione, ti e maokioki loa a ia, Ti e toe maua loa e le fale o Sakopo ona tofiga.

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Luka 12:45

Kae, kapau e pati loa le tagata fakasausau lena i lona loto : E tuvai mai loku pule ; ti kapau e tamate loa e ia a tagata fakasausau mo fafine fakasausau, ti kapau e kai loa a ia mo inu ke kona,

Loma 15:27

Na lotou loto malie ai ki le nea alofa lena, ti ko lolatou maua aia ; talie kapau kua kau le kau pagani ki olatou koloa fakalaumalie, e tonu foki ke lotou tokoi kia latou i nea fakamalama.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Efeso 4:8

Koia e pati ai : I lana pale ki potu taualuga, na ave e ia ni kau popula, Ti na fai e ia ni nea alofa ki tagata.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.