Esaia 14:19 - Tosi Tapu

¹⁹ Kae ko koe, kua ti a koe o mamao i lou tanuma, Ofaipe se toe leia na vilo kua fakalialia, Ofaipe ni tino o ni iki na motumotu i le seleta, Ti na tiaki fakaveliveli ki fatu o le kau ala, Ofaipe se mate na takatakafi e vae i le tau.

Esaia 14:19 ပူးပေါင်းရင်းမြစ်များ

Uluaki tosi o Sau 21:19

E ke pati loa kiate ia : Ko leinei le folafola a le Eteleno : Pe leaise ko se tagata tukipo mo kaia a koe ? Ti e ke pati loa kiate ia : Ko leinei le folafola a le Eteleno : I le ganea totonu leia na epo ai e kuli le toto o Napote, e toe epo ai loa e kuli lou toto.

Uluaki tosi o Sau 21:24

Ko leia o le fale o Akapo e mate loa i le kolo e kai loa a ia e kuli, ti ko leia e mate loa i faisaga e kai loa a ia e manu lele o le lagi.

Lua tosi o Sau 9:25

Na pati loa a Seu ki lana tagata leo ko Pitekale : Too a ia, o ti ki le faisaga o Napote leia mei Siseleele ; talie ke ke manatui, i le temi leia na ta eke ai, a koe mo au, i osi i muli o Akapo, lona tamana, na fakasa loa e le Eteleno kiate ia le tautea leinei :

Esaia 13:15

Ko latou fuli ala e maua loa e sokai loa, Ti ko latou fuli ala e tapo loa e tamate loa ki le seleta.

Esaia 14:18

Ko sau fuli o atu puleaga, io, latou fulifuli, Kua malolo i le mauiga, i olatou tanuma.

Esaia 34:3

Kua tiaki olatou kau mate ki fafo, Kua namuku olatou mate, Ti kua tafe le toto i mauga.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 22:19

E tanu loa a ia ofaipe se asino, E toso loa a ia o ti ki fafo mei matapa o Selusalemi ki le tua kolo.

Selemia 41:7

Kae i lalatou kaku loa ki le loto kolo, na tamate loa latou e Isemaele, vosa o Netania, o laku ki le sosoni, e ia mo lana kau tagata leia na au mo ia.

Selemia 41:9

Ko le sosoni, leia na laku ki ai e Isemaele a tagata ala na tamate e ia fakatasi mo Ketalia, na fau e le sau ko Asa, i lona i kia Paesa, sau o Iselaele ; ko le sosoni lena na fakaapele loa ki mate e Isemaele, vosa o Netania.

Selemia 51:4

Ke lotou vivilo lavelavea i le fenua o le kau Kaletea, Ti ke lotou pupu i gasau i ala o Papilone.

Esekiele 32:23

E tuu olatou tanuma i potu loloto o le popoko, Ti e takatakai lona tanuma e lana solia katoa ; Na lotou mamate fuli i le seleta, Latou ala na liligi ia le i i le fenua o le kau mauli.

Esekiele 32:27

Na leaise lotou momoe mo le kau toa, Latou ala kua vivilo mo le kau pagani. Kua lotou ifo ki le nofoaga o le kau mate mo alatou masafu tau, Kua lotou uluga ki alatou seleta, Kae teki alatou seleta i olatou fatafata ; O tupu na lotou liligi le i ki le kau toa i le fenua o le kau mauli.