Esaia 14:15 - Tosi Tapu

¹⁵ Kae na ti loa a koe ki le nofoaga o le kau mate, Ki loloto o le popoko.

Esaia 14:15 ပူးပေါင်းရင်းမြစ်များ

Esaia 14:16

Ko latou ala e tio kiate koe e kikila olatou mata o tio fakamate kiate koe : Pe ko ia maoki, le tagata leia na fakalulu ia le malama nei katoa i ona mua, Leia na luui ia a atu puleaga,

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esekiele 31:14

O tupu ke aua na toe malaga ki aluga taulu o laakau fuli ala e tuu i tafatafa o le vai, Ti ke aua na toe masiki olatou tumutumu i laakau o le vaomatua, Ti ke aua na toe taualuga a sene fuli ala e fakavai tuumau. Talie kua tuku ki le mate a nea fuli mo fanau a le tagata, Ti e lotou ifo loa ki le loloto o le kele, Mo latou ala e ifo ki le popoko.

Esekiele 31:16

I le gugulu o lona vilo na kau fakalulu a atu puleaga I le aso leia na kau tuku ai a ia ki le nofoaga o le kau mate, Mo latou ala e ifo ki le popoko ; Ko laakau fuli o Eteni na fimalie i potu loloto o le kele, Laakau fulumalilie mo malilie o Lipane, ala na fakavai fuli e atu vai.

Esekiele 32:23

E tuu olatou tanuma i potu loloto o le popoko, Ti e takatakai lona tanuma e lana solia katoa ; Na lotou mamate fuli i le seleta, Latou ala na liligi ia le i i le fenua o le kau mauli.

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?

Mateo 11:23

Ti ko koe, Kafanaume, pe ke malaga loa o kaku ki lagi ? E leai, e tuku loa a koe ki lalo, o kaku ki le nofoaga o le kau mate ; talie kanapau na fai i Sotoma a milakulo ala na fai i loto malie o ou, koi tuu nei a ia i le aso nei.

Luka 10:15

Ti ko koe, Kafanaume, pe ke malaga loa o kaku ki le lagi ? E tuku loa a koe ki lalo o kaku ki le nofoaga o le kau mate.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.