Esaia 14:13 - Tosi Tapu

¹³ Na ke pati i lou loto : E kau pale loa ki le lagi ; E kau siki loa loku ekeekeaga fakasau ke taualuga ake i fetuu a le Atua ; E kau tonatona loa i le mauga o le fakatasiga, I le potupotu o le noleto ;

Esaia 14:13 ပူးပေါင်းရင်းမြစ်များ

Sopo 20:6

E logo ai sona taualuga o kaku ki le lagi, Ti mo le kaku o lona fa ulu ki ao,

Pesalemo 48:2

E lasi le Eteleno, ti e malie ke fakavikiviki kiate ia I le kolo o lotatou Atua, i lona mauga maokioki.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Selemia 49:16

Ko lou fia makeke, mo le fia nealasi o lou loto na fakasese ia a koe, A koe leia e nofo i pu o utu, Ti e maua ia le tumutumu o mauga liliki. Ka ke fakatuu loa lou ofaga ke taualuga ofaipe leia o le akuila, E kau fakaifo loa a koe mei ai ki lalo, e pati le Eteleno.

Esekiele 27:3

Ti ke pati loa ki Tile : A koe leia e tonatona i le mata tai, Ti e ke fai koloa mo kakai o ni motu mauke ! E folafola le Aliki, le Eteleno, o pati : Tile, na ke pati : E kau fulumalie o malie tukupau !

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Esekiele 31:10

Koia e folafola ai le Aliki, le Eteleno, o pati : O tupu na malaga lona kuaga ki aluga, O tupu na malaga lona tumutumu i laakau fuli o le vaomatua, Ti na fia nealasi lona loto i lona taualuga,

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 5:20

Kae i le aso leia na fia nealasi ai a ia ti na fakafefeka ai e ia lona loto, na ti loa a ia ki lalo mei lona ekeekeaga fakasau, ti na too loa meiate ia lona kololia ;

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?

Sofoni 2:15

Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.

Mateo 11:23

Ti ko koe, Kafanaume, pe ke malaga loa o kaku ki lagi ? E leai, e tuku loa a koe ki lalo, o kaku ki le nofoaga o le kau mate ; talie kanapau na fai i Sotoma a milakulo ala na fai i loto malie o ou, koi tuu nei a ia i le aso nei.

Luka 10:15

Ti ko koe, Kafanaume, pe ke malaga loa o kaku ki le lagi ? E tuku loa a koe ki lalo o kaku ki le nofoaga o le kau mate.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.