Esaia 14:1 - Tosi Tapu

¹ Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 14:1 ပူးပေါင်းရင်းမြစ်များ

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Pesalemo 102:13

Kae ko koe, Eteleno, e ke sau o lee gato, Ti e fakamanatu lou suafa i tautupu mo tautupu.

Pesalemo 102:14

E ke tuu ake loa ki aluga, ti e ke alofa loa ki Sione ; Talie kua tatae le temi ke alofa ai kiate ia ;

Pesalemo 143:12

I lou agamalie, tapono le gutu o oku fili, Tamate latou fuli ala e fakaveliveli ki loku laumalie ! Talie ko au ko lau tagata fakasausau.

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Esaia 19:18

I le temi lena, e i ai loa ni kolo e lima o le fenua ko Esipito, Ala e masau loa i le masau o Kanaane, Ti e fakamaoki loa i le suafa o le Eteleno o kau tau : E igoa loa le tasi o kolo ana ko le kolo o le maumaui.

Esaia 21:1

Folafola a le Atua ki le toafa o le tai. Ofaipe le malaga a le sasataki mei le potu saute, E au a ia mei le toafa, mei le fenua fakaii.

Esaia 27:6

I temi ka au, e tauaka loa Sakopo, E toe sosomo loa ni se i Iselaele ti mo ni uli, Ti e fakaapele loa e ia le malama nei ki ona fua.

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Esaia 41:9

A koe, leia na kau too i potupotu o le malama nei, Ti na kau kalagai mei se fenua mamao, Leia na kau pati ki ai : Ko koe ko laku tagata fakasausau, Kua kau filifili a koe, ti e leaise kau tiaki a koe !

Esaia 44:1

I le temi nei fakalogo mai, ei Sakopo, ko laku tagata fakasausau ! Ei Iselaele, leia na kau filifili !

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 49:15

Pe galoi e se fafine lana fanau leia e fakau e ia ? Pe leaise alofa a ia ki le fua o lona manava ? Pe ka galoi loa e le tinana lana fanau, Ko au e leaise kau galoi loa a koe.

Esaia 49:25

Io, e pati le Eteleno, e too loa leia e popula ki le tagata makeke mei ona lima, Ti e too loa le koloa o le tagata agaveli mei ona lima. E kau taui loa ou fili, Ti e kau fakamauli loa ou vosa.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 54:3

Talie e ke mafolafola loa ki le fetuu atamai mo le fetuu sema ; E maua loa e lou sakoga ni puleaga, Ti e fakakakai ia loa ni kolo lavaki.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 56:3

Ke aua na pati le matapule leia e pipiki ki le Eteleno : E vaei loa au e le Eteleno i lona kakai ! Ti ke aua na pati le enuke : Ko leinei, ko se laakau malo au !

Esaia 60:10

E toe laga loa e vosa o le tagata matapule ou paa, Ti e liliu loa olatou sau ko au tagata fakasausau ; Talie na kau taai a koe i loku sausau, Kae i loku manava alofa na kau alofa kiate koe.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Selemia 16:15

Kae pati loa : E mauli le Eteleno, A ia leia na fakamavae ia fanau a Iselaele i le fenua o le potu noleto, Ti mo fenua fuli ala na kapu e ia latou ki ai ! E kau aumai loa latou ki lolatou fenua, Leia na kau soli ki olatou tamana.

Selemia 29:14

E pati le Eteleno, e kau tuku loa ke kotou maua au, ti e kau toe aumai loa okoutou kau popula. E kau fakatasii loa koutou mei puleaga fuli, mei ganea fuli ala na kau kapu koutou ki ai, e pati le Eteleno, ti e kau toe aumai loa koutou ki le ganea leia na kau ave ai koutou o fakapopula.

Selemia 30:8

I le aso lena, e pati le Eteleno o kau tau, E kau fatii loa lana laakau taki i lou ua, E kau motumotusi loa ou sai, Ti e leaise toe pule loa le kau matapule kiate koe.

Selemia 31:4

E kau toe laga loa a koe, ti e toe laga loa a koe, Taine taupoou o Iselaele ! E ke toe too loa au nafa, Ti e ke toe ano loa i loto malie o ni mako fakafiafia.

Selemia 50:33

Koia e folafola ai le Eteleno o kau tau, o pati : E taomia fakatasi fanau o Iselaele mo fanau o Suta ; Ti ko latou fuli ala na ave ia latou ki le popula e taofi ia latou, Ti e leaise lotou loto ke toe tuku ake latou.

Selemia 51:51

Na motou luma i lamotou logo ki lauveli ; Na apele omatou mata i le luma, I le aso na ulu ni matapule Ki le sagatualio o le fale o le Eteleno.

Esekiele 16:60

Kae e kau toe manatui loa laku sai mo koe i le temi o lou ikiiki, ti e kau toe fai loa mo koe se sai lee gato.

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Sakalia 1:17

Ke ke toe kalaga, o pati : Ko leinei le folafola a le Eteleno o kau tau : E toe maua loa e oku kolo olatou koloa o lasi ai ; e toe fakafimalie loa e le Eteleno a Sione, ti e toe filifili loa e ia Selusalemi.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Luka 1:54

Na tokoi a ia ki Iselaele, lana tagata fakasausau, Ti na manatui e ia lona manavaalofa,

Luka 2:32

Malama ke fakamalama ia a atu puleaga, Ti kololia o Iselaele, lou kakai.