Esaia 13:22 - Tosi Tapu

²² E tagi loa a lenato i ona fale sau, Ti e ko loa a kuli vao i ona fale fakaalialiki. Kua ofi le temi o Papilone, ti E leaise toe fakaloaloa loa ona aso.

Esaia 13:22 ပူးပေါင်းရင်းမြစ်များ

Pesalemo 44:19

Na leaise maliu kese omatou loto, Na leaise fakamamao o matou vae i lou ala,

Esaia 14:23

E kau fakaliliu loa a ia ko le nofoaga o le eliso ti ko se pela, Ti e kau seu loa a ia ki le seupenu o le maumau, E pati le Eteleno o kau tau.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Esaia 34:13

E tupu loa a laakau sukisuki i ona fale sau, A vao veli mo vao talatala i ona kolo tau. E liliu loa a ia ko le nofoaga o pili, Le maloloaga o lulu.

Esaia 34:14

E felavei loa i ai a manu o le toafa mo kuli vao, Ti e fekalagaaki loa i ai a koti tagata ; E maua loa i ai e le tuuola o le pouli lona nofoaga Ti e mau loa e ia i ai lona maloloaga.

Esaia 35:7

E liliu loa le one kaka ko ni vai, Ti mo le kele malo ko ni matapuna vai ; I le ganea leia na nofo ai a pili e tupu ai loa ni u mo ni kofe.

Esaia 43:20

E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Selemia 48:16

Kua vave soko fua le maumaui o Moape, Kua au fakatavili lona malaia.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 4:3

E fakaali foki e le kuli vao le u Ke fagai ona uviki, Kae kua liliu le taine o loku kakai o sala alofa Ofaipe otulusi i le toafa.

Mikea 1:8

Koia leia e kau tagi ai loa, e kau tagi laulau loa, E kau saele kilii vae loa mo fakatekateka loa, E kau kalaga loa ofaipe se kuli vao, Ti e kau tagi loa ofaipe le otulusi.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Sofoni 2:14

E momoe loa ni kau manu i loto malie o Ninive, Mo ni manu i faasiga kesekese ; Ko le palikano mo le eliso E nonofo fakatasi loa i puloga o ona pou ; E tagi loa a manu lele i katupa o ona fale ; E kamata loa le maumau i le mua matapa, Talie e tata loa a papa sete o aofi.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.