Esaia 13:20 - Tosi Tapu

²⁰ E leaise toe nofo loa i ai i se aso, Ti e leaise toe fakakakai loa a ia i se aso ; E leaise toe fakatuu loa i ai e le Alape lona falela, Ti e leaise toe fagai loa i ai e le kau tausi manu alatou kau manu.

Esaia 13:20 ပူးပေါင်းရင်းမြစ်များ

Lua tosi o Koloniko 17:11

Na fai loa e ni kau Filisitini ni nea alofa kia Sosafate ti mo se tukusau ko se siliva ; ti na aumai foki e le kau Alape kiate ia ni kau manu, ko ovi tagata e fitu afe mo kau lelau e fitu, mo koti tagata e fitu afe mo kau lelau e fitu.

Sopo 3:7

Io, ke paa le po lena, Ti ke aua na toe logo i ai se kalaga fakafiafia !

Katiko o Katiko 1:7

A koe, leia e alofa ki ai loku laumalie fakasa mai kiate au, Pe ke fagai ifea au ovi, Pe ke fakamalolo latou ifea i le lalatea ; Talie kolea e kau fai ai loa pe se taine na sese Ki kau manu o ou kaukaunea ?

Esaia 14:23

E kau fakaliliu loa a ia ko le nofoaga o le eliso ti ko se pela, Ti e kau seu loa a ia ki le seupenu o le maumau, E pati le Eteleno o kau tau.

Esaia 21:1

Folafola a le Atua ki le toafa o le tai. Ofaipe le malaga a le sasataki mei le potu saute, E au a ia mei le toafa, mei le fenua fakaii.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Esaia 34:17

Kua fai e ia kia latou le toso, Ti kua vae e lona lima kia latou le fenua ki le afo. E lotou maua loa a ia o lee gato, E lotou nonofo loa i ai i tautupu mo tautupu.

Selemia 49:33

E liliu loa Atesoa ko le nofoaga o kuli vao, ko se toafa, o lee gato ; E leaise toe nofo loa se tasi i ai, e leaise toe fakalaka loa se tagata i ai.

Selemia 50:13

O tupu ko le sausau o le Eteleno, e leaise toe nofoi loa a ia, Kae tuu lavaki loa a ia. E ofolele loa latou fuli ala e fakalaka loa i tafa o Papilone, Ti e lotou mapu loa ki ona lavea fuli.

Selemia 50:21

Pale ki le fenua leia na agatuu tua lua, Ki lona le kakai, ti tautea latou ! Tuli latou, tamate latou, fakapuli latou ! e pati le Eteleno. Fai katoa aku fakatotonu !

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Selemia 50:39

Koia e nonofo ai loa a manu o le toafa i ai mo kuli vao, Ti e fai loa e otulusi lolatou nofoaga i ai. E leaise toe nofoi loa a ia i se aso, E leaise toe fakakakai loa a ia i se aso.

Selemia 50:45

Koia kotou fakalogo mai ki le fakapapau leia na fai e le Eteleno ki Papilone, Ti mo fakatuutuu ala na fai e ia ki le fenua o le kau Kaletea ! E maoki e toso loa latou ki fafo ofaipe ni ovi gagae, E maoki e kaia loa lolatou nofoaga.

Selemia 51:25

Ko leinei, e kau ita kiate koe, mauga maumau, e pati le Eteleno, A koe leia na maumaui ia le malama nei katoa ! E kau falo loa loku lima kiate koe, Ti e kau tekai loa a koe ki lalo mei aluga o utu, Ti e kau fakaliliu loa a koe ko se mauga ulaula.

Selemia 51:29

E galulu le kele, e lulu a ia ; Talie e fakasoko ki Papilone le fakatuutuu a le Eteleno ; E fakaliliu loa e ia le fenua o Papilone ko se toafa sala kakai.

Selemia 51:37

E liliu loa Papilone ko se kolo maumau, ko se nofoaga o kuli vao, Ko se nea fakaofolele mo fakagologolo ; E leaise toe maua loa i ai se kakai.

Selemia 51:43

Kua maumau ona kolo, Kua malo le kele mo toafa ; Ko se fenua leia e leaise koi nofo ai se tasi, Ti e leaise koi fakalaka ai se tasi.