Esaia 13:18 - Tosi Tapu

¹⁸ E lotou tamate loa le kau tupulaga ki alatou kalolo, Ti e leaise lotou toe manava alofa loa ki le fua o manava ; E leaise fakamauli loa e olatou mata a fanau liliki.

Esaia 13:18 ပူးပေါင်းရင်းမြစ်များ

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Esaia 13:16

E laliki loa alatou fanau i olatou mua, Ti e kaia loa olatou fale, ti e fakamakeke loa alatou fafine.

Esaia 47:9

Ko nea ana e lua e soko fakapunamauli loa kiate koe, i le aso e tasi, Lau nofo sala fanau ti mo lau nofo lokonui ; E la vilo fakaagatonu loa kiate koe, Logo ai le mauke o au puleaki fakatemonio fuli, Logo ai le lasi o au fakalaulaakau.

Esaia 5:28

Kua matakakai ana gasau, Ti kua toso fakakitakita ana kalolo ; Kua fai a vae o ana osi pe ni fatu, Ti kua fai a teka o ana saliote pe se asesio.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 5:16

E fai lana tanakiaga gasau pe se tanuma mavaa ; E lotou totoa fuli.

Selemia 50:30

Koia e vivilo loa ona kau tupulaga i ala, Ti e mamate loa ona tagata tau fuli i le aso lena, E pati le Eteleno.

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Selemia 51:22

Iate koe na fatii le tagata mo le fafine ; Iate koe na kau fatii le matua mo le toe ; Iate koe na kau fatii le tagata tupulaga mo le taine tupulaga.

Selemia 6:23

E lotou too le kalolo mo le tao ; E lotou tukipo, sala manava alofa. E gugulu lolatou leo ofaipe le tai. E lotou eke i ni osi, O fakaatu pe se tagata e tasi, Ke taui a koe, taine o Sione !

Esekiele 9:10

Ko au foki, e leaise kau toe aloalofa loa, ti e leaise kau toe maua loa se manava alofa ; kae e kau fakato loa alatou gaoiaga ki olatou ulu.

Taniela 7:5

Ti ko leinei, na fai le lua manu pe se uluso, ti na nofo fakafetuu a ia ; na uuti e ia i lona gutu, ki ona nifo ni ivi vakavaka e tolu ; ti na pati kiate ia : Tuu ki aluga, kai fakalasi ni inati.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Naume 2:1

Ko leinei i aluga o mauga A vae o le tagata avelogo leia e fakasa ia le tokamalie ! Suta, fai ou aso lalasi, fakasoko au fakapapau ! Talie e leaise toe ano loa le tagata agaveli i loto malie o ou, Kua motusi oki a ia…

Naume 3:10

Kae logo ai le nea lena, kua ano a ia ki se fenua kese, Kua ave a ia ki le popula ; Kua laliki ana fanau i poko o ala fuli ; Kua vae ona aliki, Kua sai ona pule tau fuli ki ni tini.