Esaia 13:13 - Tosi Tapu

¹³ Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 13:13 ပူးပေါင်းရင်းမြစ်များ

Sopo 9:6

E lui e ia le kele i lona fakatafito, ti e galulu ona pou.

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Pesalemo 88:16

E kau mamae ti e kau teiteiki ke mate talu mei loku ikiiki ; E kau mafaia i au nea fakaii, ti e kau tuania.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 21:1

Folafola a le Atua ki le toafa o le tai. Ofaipe le malaga a le sasataki mei le potu saute, E au a ia mei le toafa, mei le fenua fakaii.

Esaia 23:11

Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esaia 24:1

Ko leinei, kua maumaui e le Eteleno le fenua, o fakaliliu a ia ko se toafa ; Kua fakamaveuveu e ia le malama nei, ti kua fakamavetevete e ia lona kakai.

Esaia 24:18

Ko leia e sola i mua o kalaga fakaii kua vilo ki le popoko ; Ti ko leia e toe pale ake i le popoko kua pikiia i le masele ; Talie kua mavaa a matapa o le lagi, Ti kua galulu a fakatafito o le malama nei.

Esaia 24:19

Kua mafaa le kele, Kua matuletule le malama nei, Kua siga a ia ki lalo.

Esaia 34:4

Kua vela o okioki le kau solia katoa o le atu lagi ; Kua takai le lagi ofaipe se tosi, Ti kua vilo lona kau solia katoa Ofaipe le vilo o le lau vite, Ofaipe le vilo o le lau fiki.

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Selemia 51:1

E folafola le Eteleno, o pati : Ko leinei, e kau lagai loa ki Papilone Ti mo le kakai o Kaletea Se matagi maumau.

Tagi laulau a Selemia 1:12

E kau masau kia koutou, kia koutou fuli ala e fakalaka i leinei ! Kotou tio ti kotou iloa pe i ai se mamae e tatau mo loku mamae, Mo leia kua taai au ki ai ! Kua fakamamae au e le Eteleno i le aso o lona sausau lasi.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Mateo 24:35

E puli loa le lagi mo le kele, kae e leaise toe puli loa aku folafola.

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.