Esaia 12:6 - Tosi Tapu

⁶ Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 12:6 ပူးပေါင်းရင်းမြစ်များ

Pesalemo 132:14

Ko loku maloloaga a ia o lee gato ; E kau nofo loa i ai, talie na kau oli ki ai.

Pesalemo 135:21

Mei Sione ke fakafetai ki le Eteleno, Leia e nofo i Selusalemi ! Kotou fakafetai ki le Eteleno !

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 68:16

Mauga o le Atua, mauga o Pasani, Mauga e tumutumu mauke, mauga o Pasani,

Pesalemo 71:22

Ti e kau vikiviki loa kiate koe i le leo o le lute, e kau sua loa lou agatonu, ei loku Atua ; E kau siki loa a koe i le alepe, Sagato o Iselaele !

Pesalemo 89:18

Talie ko le kololia a koe o lona makeke ; Ko lou kalasia leia e toe lagai ia lomatou makeke.

Pesalemo 9:11

Ko latou ala e iloa ia lou suafa e fanaki kiate koe. Talie e leaise ke tiaki latou ala e afa ia a koe, ei Eteleno !

Pesalemo 99:2

E lasi le Eteleno i Sione, E siki a ia i aluga o atu kakai fuli.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 10:24

Kae ko leinei le folafola a le Aliki, le Eteleno o kau tau : Ei loku kakai, leia e nofo i Sione, Aua na ke i ki le tagata Asilia ! E taai e ia a koe ki le laakau, Ti e siki e ia lana tokotoko kiate koe, ofaipe le nea leia na fai e le kau Esipito.

Esaia 24:14

Kua lotou too se sua, kua lotou fai ni kalaga nekenekea ; Kua lotou fakavikiviki ki le mafimafi o le Eteleno i mata tai.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Esaia 33:21

Ko lena le ganea leia e sa ai loa le fulumalie o le Eteleno kia tatou. E maua loa i ai ni liua kia tatou, ni vaitafe lalasi Ala e leaise ulu loa ki ai ni vaka foe, Ti e leaise ano ai loa se vaka tau.

Esaia 33:24

E leaise pati se tasi : E kau masaki ! E maua e le kakai o Selusalemi le fakamolemole o alatou agasala.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 54:1

Ke ke fakafiafia, fafine paa, a koe leia e leaise koi fanaunau ! Ke ke fakasa lou nekenekea mo lou fiafia, a koe leia e leaise koi mamae lou ganea ! Talie ko vosa o leia na tiakina e toka api ake loa I vosa o le fafine leia na avaga, e pati le Eteleno.

Esaia 60:16

E ke mimiti loa le sua u o atu puleaga, E ke mimiti loa le u o sau ; Ti e ke iloa loa ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 8:18

Ko leinei, ko au mo fanau ala na tuku mai e le Eteleno kiate au, Kua motou liliu ko ni fakamailoga mo ni nea fakatalatupua i Iselaele, Mei le Eteleno o kau tau, Leia e nofo i le mauga o Sione.

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Esekiele 35:10

O tupu na ke pati : Ko puleaga ana e lua o Iselaele mo Suta, ko fenua ana e lua, a aku loa laua, Ti e motou maua loa laua, Pe nofo foki le Eteleno i ai.

Esekiele 39:7

E kau fakasa loa loku suafa maokioki i loto malie o loku kakai ko Iselaele, Ti e leaise kau toe tuku loa ke fakakelekele loku suafa maokioki ; Ti e iloa loa e atu puleaga ko au ko le Eteleno, Ko le Maokioki o Iselaele.

Esekiele 43:7

Na pati mai loa a ia kiate au : Vosa o le tagata, ko leinei le ganea o loku ekeekeaga fakasau, le ganea leia e kau teki ai loa oku taga vae ; e kau nofo loa i ai o lee gato i loto malie o fanau o Iselaele. E leaise toe fakakelekele loa e le fale o Iselaele mo ona sau loku suafa maokioki ki alatou nea fakalialia mo mate o olatou sau i olatou ganea taualuga.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Esekiele 48:8

I tafa o le vaega o Suta, i le potu esite o kaku ki le tai Metitelanea i le potu uesite, e kotou fua loa i ai se koga kele, leia e tatau loa lona loa mo le loa o vaega o faasiga, i le potu esite o kaku ki le tai Metitelanea i le potu uesite, ti ko lona laulasi ko kilometa e kau fitu tupu lima. I loto malie e fakatuu ai loa le fale tapu.

Oseo 11:9

E leaise kau fai loa o mulimuli ki loku sausau kaka, E kau fakafiti ke maumaui Efalaimi ; Talie ko au ko le Atua, kae leai ko se tagata. Ko au ko le Sagato i loto malie o ou ; E leaise kau au loa mo le ita.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Sofoni 2:5

Malaia ki kakai o mata tai, ki le puleaga o le kau Keleti ! Na masau le Eteleno kiate koe, Kanaane, fenua o le kau Filisitini ! E kau maumaui loa a koe, e leaise ke toe maua ia loa sou kakai.

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Tetelonome 23:15

Ke aua na ke tuku ia loa ki lona pule se tagata fakasausau leia e sola loa mei lona pule o mumuni iate koe.