Esaia 12:1 - Tosi Tapu

¹ E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 12:1 ပူးပေါင်းရင်းမြစ်များ

Neemia 8:10

Na lotou pati loa ki le kakai : Kotou ano, kotou kai ni inati malilie, ti kotou inu ni nea inu malilie, ti kotou ave ni vaega kia latou ala na leaise teuteui ia se nea kai, talie ko le aso leinei kua fakatapui ki lotatou Aliki ; aua na kotou loto mamae, talie ko le fiafia o le Eteleno ko lokoutou makekeaga.

Sopo 11:16

E ke galoi loa ou mamae, E ke manatu loa ki ai ofaipe ni vai kua tafe.

Sopo 13:16

Ti kapau e manuia, ti e kau malo loa, Talie e leaise mafai ke tuu se tagata agaveli i mua o le Atua.

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 71:21

Ke ke toe lagai ki aluga loku kololia, Ke ke toe fakapelepelei au !

Pesalemo 85:4

Kua ke too lou sausau katoa, ti kua ke tafoki mei le ulaula o lou sausau.

Pesalemo 86:17

Fai se fakamailoga kiate au, Ke tio ki ai oku fili ti ke lotou laulaunoa ! Talie e ke tokoi kiate au, ti e ke fakapelepele au, ei Eteleno !

Pesalemo 9:1

Ki le pule o le kau sua. I le nota kiki. Pesalemo a Tavite.

Esaia 10:25

Kae, koi toe fai se ga temi ikiiki, Ti e gato loa le tautea, Ti e maliu loa loku sausau kiate ia o tamate a ia.

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 11:16

Ti e i ai loa se ala ki le toetoega o lona kakai, Leia e toe loa mei Asilia, Ofaipe le ala leia na tuku ki Iselaele, I le aso leia na mavae ai i Esipito.

Esaia 14:3

Ti ka soli atu loa kiate koe e le Eteleno se malolo, I le oki o ou mamae mo ou i, Ti mo le oki o le popula mamae leia na taomi ia a koe,

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 54:7

I se ga temi ikiiki na kau tiaki a koe, Kae i se alofa lasi e kau tali loa a koe ;

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 54:9

Talie e fai loa kiate au pe le lomaki i le temi o Noe : Na kau fakapapau e leaise toe to loa le lomaki ia Noe ki le malama nei ; E kau toe fakapapau foki ke aua na kau toe ita kiate koe, Ti ke aua na kau toe valoki a koe.

Esaia 60:10

E toe laga loa e vosa o le tagata matapule ou paa, Ti e liliu loa olatou sau ko au tagata fakasausau ; Talie na kau taai a koe i loku sausau, Kae i loku manava alofa na kau alofa kiate koe.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 64:5

E motou fai fuli pe ni nea kelekele, Ti e fai lomatou faitotonu katoa pe se kofu kelekele ; E motou fefe fuli ofaipe se lau laakau, Ti e ave matou e amatou agaveli ofaipe le matagi.

Esaia 65:18

Kae ke kotou fakafiafia ti ke kotou nekenekea o lee gato, O tupu ko le nea leia ka kau fakatupu loa ; Talie ka kau fakatupu loa Selusalemi ki le nekenekea, Ti mo lona kakai ki le fiafia.

Esaia 66:13

Ofaipe se tagata leia e fakapelepele e lona tinana, E kau fakapelepele felaaki loa koutou ; E kau fakapelepele loa koutou i Selusalemi.

Selemia 30:19

E malaga ake loa ia latou ni fakafetai, Ti mo ni kalaga fakafiafia ; E kau liuliuga loa latou, ti e leaise lotou toe lavaki loa ; E kau fakamauiga loa latou, ti e leaise fakanoai loa latou.

Selemia 31:13

Ti e mako fiafia loa taineliki, E toe fiafia foki a kau tupulaga mo kau matua ; E kau fetogi loa lolatou mamae ki le nekenekea ti e kau fakapelepele loa latou ; E kau soli loa kia latou le fiafia i le oki o mamae.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Sakalia 1:16

Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Sakalia 14:20

I le aso lena, e tosi loa i ga pele o osi : Maokioki ki le Eteleno ! Ti e fai loa a kulo o le fale o le Eteleno Pe ipu ala i mua o le aletale.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Sakalia 8:11

E folafola le Eteleno o kau tau, o pati : I le aso nei e leaise kau toe fai loa ki le toega o le kakai leinei pe le temi kua sili.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?