Esaia 11:3 - Tosi Tapu

³ E iloa vave loa e ia le i ki le Eteleno. E leaise fakamaau loa a ia i le tio mata, E leaise valoki loa a ia i le logo taliga.

Esaia 11:3 ပူးပေါင်းရင်းမြစ်များ

Lua tosi a Samuele 14:17

Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Lua tosi a Samuele 14:8

Na pati loa le sau ki le fafine : Ano ki lou kaiga, e kau tuku loa ni fakatotonu o uiga mo koe.

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Sopo 12:11

Pe leaise ko le gaoi a le taliga ko le iloa o masau, Ofaipe le gutu ko le iloa o le kano malie o nea kai ?

Sopo 34:3

Talie e asiasii e le taliga a masau Ofaipe le gutu leia e asiasii ia a nea kai.

Taagapati 2:5

Ti e ke matala loa ki le i ki le Eteleno, Ti e ke maua loa le iloa o le Atua.

Taagapati 2:9

Ti e ke matala loa ki le faitotonu, mo le agatonu, Mo le loto sako, mo ala fuli ala e taki ia ki le malie.

Esaia 33:6

E fimalie loa ou aso ; Ko le poto mo le iloa o le Eteleno ko se matapuna o le fakamauli ; Ko le i ki le Eteleno, Ko lena le koloa o Sione.

Esekiele 45:8

Koia e maua loa e tama aliki lolatou kele totonu i Iselaele. E leaise lotou toe fakamakeke loa le kakai o le Aliki, ti e lotou tuku loa le toe o le fenua ki faasiga o Iselaele.

Mikea 4:3

E liliu loa a ia ko le tui fakamaau o ni kakai mauke, Ko le alepiti o ni puleaga makeke, ala e nofo mamao. E lotou fai loa ki alatou seleta ni kosotoki, Ti ki alatou tao ni sele tuuti fulumeto ; E leaise toe tau loa se tasi puleaga ki se tasi puleaga, Ti e leaise toe ako loa le tau.

Luka 2:52

Ti na tupu ake Sesu o lasi i le poto, i le tino, ti mo le alofa, i mua o le Atua ti mo mua o tagata.

Soane 2:25

ti talie na leaise aoga ke fakasa ake e se tasi kiate ia se nea o uiga mo se tagata ; talie na iloa e ia le loto o le tagata.

Soane 7:24

Aua na kotou fakamaaui o mulimuli ki le nea leia e sa i tafa, kae kotou fakamaaui o mulimuli ki le faitotonu.

Epelo 5:14

Kae e tuku le magiti makeke ki tagata kua katoa, kia latou ala kua masani i le iloa kesekese o le malie mo le veli.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.