Esaia 11:15 - Tosi Tapu

¹⁵ E fakamalo loa e le Eteleno le alelo o le tai o Esipito, Ti e siki loa e ia lona lima ki le vaitafe o Eufalate, o pupusi fakamakeke ki ai : E vaei loa e ia a ia i ni magai vai e fitu, Ti e fakalaka loa i ai i ni taka.

Esaia 11:15 ပူးပေါင်းရင်းမြစ်များ

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:22

Na ulu loa fanau a Iselaele ki loto malie o le tai leia kua malo, ti na tuu loa a vai o fakakaua i le fetuu atamai mo le fetuu sema.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Esaia 19:16

I le aso lena, e fai loa Esipito pe ni fafine : E lulu loa a ia i lona i, Mo ka tio a ia ki le taugaoi o le lima o le Eteleno o kau tau, Mo ka siki loa e ia a ia kiate ia.

Esaia 43:16

Ko leinei le folafola a le Eteleno, Leia na tofa ia se ala i le tai, Leia na tofa ia se anoaga i loto malie o atu vai makeke,

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 51:11

Koia e toe liliu loa le kau totogi a le Eteleno, E lotou ano loa ki Sione mo ni sua o le malo, Ti e lotou pala loa olatou ulu ki se fiafia lee gato ; E fakafeofi ake loa le nekenekea mo le fiafia, Kae sosola loa le mamae mo le tagi.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Esaia 7:20

I le aso lena, e tele loa e le Aliki Le ulu mo fulu o vae o Iselaele Ki se tele leia na lue i leia atu fetuu o le vaitafe o Eufalate, Ki le sau o Asilia ; E toe tele foki e ia mo le kaukava.

Esaia 8:7

Ko leinei, e fai loa e le Aliki ke pale mai kia latou A vai makeke mo lalasi o le vaitafe (Le sau o Asilia mo lona kololia katoa) ; E pale loa a ia i lona tafeaga i ganea fuli, Ti e mafola loa a ia i ona kauvai fuli.

Esekiele 29:10

Koia e kau mamafa ai kiate koe mo ou vaitafe, Ti e kau fakaliliu loa le fenua o Esipito ke toafa mo vaoa, Mei Miketoli o kaku ki Siene ti mo koiga o Etiopia.

Esekiele 30:12

E kau fakamalo ia loa a magai vaitafe, E kau tuku loa le fenua ki lima o le kau agaveli ; E kau maumaui loa le fenua mo nea fuli e maua i ai, i le lima o ni kau matapule. Ko au, le Eteleno, na kau masau.

Sakalia 10:11

E lotou fakalaka loa i le tai o le mamae, e lotou taai loa a galu o le tai, Ti e malo loa a takele fuli o vaitafe. E taai loa ki lalo le fia nealasi o Asilia, Ti e puli loa le tokotoko fakasau o Esipito.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.