Esaia 11:11 - Tosi Tapu

¹¹ I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 11:11 ပူးပေါင်းရင်းမြစ်များ

Senesi 10:10

Na uluaki sau loa a ia i Papele, mo Eleki, mo Akati ti mo Kalene, i le fenua ko Sinea.

Senesi 10:22

Ko vosa o Semi : Ko Elame, mo Asule, mo Alepakesate, mo Lute, mo Alame.

Senesi 11:2

Na lotou mavae loa mei le potu esite, o lotou maua loa se kele laumalie i le fenua ko Sinea, ti na lotou nonofo loa i ai.

Senesi 14:1

Na soko loa i le temi o Amilafele ko le sau o Sinea, mo Alisoke ko le sau o Elasa, mo Ketolaome ko le sau o Elame, ti mo Titeale ko le sau o Kosimi,

Senesi 2:13

Ko le igoa o le lua vaitafe ko Kioni ; ko ia leia e takatakai ia le fenua katoa o Kusi.

Lua tosi o Sau 17:24

Na aumai loa e le sau o Asilia ni kakai mei Papilone, mo Kuta, mo Ava, mo Amate, mo Sefalevaimi, ti na fakanonofo loa e ia latou i kolo o Samalia, o fetogi ai fanau a Iselaele. Na lotou maua loa Samalia, ti na lotou nonofo loa i ona kolo.

Esitele 10:1

Na fakatuu loa e le sau ko Asuelusi se tukusau ki fenua mo motu o le tai.

Pesalemo 68:22

Io, e taai loa e le Atua le ulu o ona fili, le tumuaki o le ulu o latou ala e mauli i le agasala.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 10:20

I le aso lena, Ko le toetoega o Iselaele mo latou ala na sao i le fale o Sakopo, E leaise toe fanaki loa ki leia na taai ia latou. Kae e lotou fanaki loa i le loto katoa ki le Eteleno, le Sagato o Iselaele.

Esaia 10:9

Pe na leaise fai fakatatau ki Kaleno mo Kalekemisi ? Pe na leaise fai fakatatau ki Amati mo Alepati ? Pe na leaise fai fakatatau ki Samalia mo Tamaso ?

Esaia 11:16

Ti e i ai loa se ala ki le toetoega o lona kakai, Leia e toe loa mei Asilia, Ofaipe le ala leia na tuku ki Iselaele, I le aso leia na mavae ai i Esipito.

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 22:6

Kua amo e Elame le taga gasau ; Kua au ni saliote mo ni kau tagata tau, mo ni kau tagata ekeosi ; Kua too e Kile lana paletau.

Esaia 24:15

Koia ke kotou fakakololia ki le Eteleno i ganea fuli ala e mu ai le malama, Io, ki le suafa o le Eteleno, le Atua o Iselaele, i atu motu o le tai !

Esaia 37:31

Ko le nea leia na saofaki i le fale o Suta, le nea leia na toe, e somo loa ona aka ki lalo, ti e fua loa i aluga.

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 42:12

Ke tuku le kololia ki le Eteleno, Ti ke fakasa ona fakavikiviki i atu motu !

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 66:19

E kau tuku loa se fakamailoga ia latou, Ti e kau kakau loa latou ala na sao ia latou ki atu puleaga, Ki Talesisi, ki Pule mo Lute, ala e faikalolo, Ki Tupale mo Savani, Ki atu motu mamao, Ala na leikiaise logo masau kiate au i se aso, Ti na leikiaise tio ki loku kololia ; Ti e lotou fakasa loa loku kololia i atu puleaga.

Selemia 25:25

Ki sau fuli o Simeli, Ki sau fuli o Elame, Ti mo sau fuli o Meti ;

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 44:1

Ti na tuku loa le folafola kia Selemia o uiga mo le kau Sutea katoa leia e nofo i le fenua o Esipito, i Miketoli, mo Takepenese, mo Nofi, mo le fenua o Patolosi, o pati :

Selemia 49:23

Ki Tamaso. Kua luma Amati mo Alepati, Talie kua la maua se logo veli, e la lulu ; Ko se tai malagalaga Leia e leaise feala ke toe tokamalie.

Esekiele 27:6

Na lotou fau ou foe ki le sene o Pasani, Ti na lotou fau ou ekeekeaga ki le lei na gaoi i le sete Ti na aumai mei motu o Kitimi.

Esekiele 29:14

E kau toe aumai loa le kau popula o Esipito, E kau toe aumai loa latou ki le fenua o Patolosi, Ki le fenua leia na lotou tupu ai ; Kae e lotou liliu loa i ai ko se puleaga gaegae.

Esekiele 30:14

E kau maumaui loa Patolosi, E kau tutu loa ki le afi Tesoane, Ti e kau fai loa aku fakamaau ki No.

Esekiele 32:24

I lena e i ai Elame, mo lana solia katoa ; E takatakai lona tanuma e lana kau solia, Ala na tamate fuli e le seleta ; Kua lotou ifo fuli ki potu loloto o le kele, Latou ala na liligi ia le i i le fenua o le kau mauli ; Ti kua lotou amo ia lolatou luma kia latou ala kua ifo ki le popoko.

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Taniela 11:18

E ave loa ona mata ki fenua o le mata tai, ti e maua loa e ia se i ; kae e fakagato loa e se pule tau lana agaveli ti e fakalumai loa a ia.

Taniela 8:2

I laku moe miti lena, na sakinake kiate au e kau nofo i Suse, le kolo mua o le fenua ko Elame ; i laku moe na kau tio loa e kau tuu i le laugutu o le vaitafe ko Ulai.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 11:11

E lotou fekapu loa mei Esipito, ofaipe se manu lele, Mei le fenua o Asilia, ofaipe se lupe, Ti e kau fakanofo loa latou i olatou fale, E pati le Eteleno.

Mikea 7:12

I le aso lena, e au loa au fanau kiate koe, Mei Asilia mo kolo o Esipito, Mei laugutu o vaitafe o Esipito, Mei se tai ki se tasi a tai, mei se mauga ki se tasi mauga.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Sakalia 5:11

Na tali mai loa a ia kiate au : E la ano o fakatuu se fale kiate ia i le fenua o Sinea ; ti ka oki loa a ia, e la teki loa le kulo ki lona tuuaga.

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Sakalia 9:2

E tuu foki a ia i Amate, i le koiga mo Tamaso, I Tile mo Sitone, logo ai lola poto lasi.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Loma 11:26

Ti o fakamauli loa a Iselaele katoa, o mulimuli ki le nea e tuu i le Tosi : E au loa le fakamauli mei Sione, Efakamaliu loa e ia meia Sakopo a agasala ;

Lua tosi ki le kau Kolinto 3:16

kae ka tafoki a loto ki le Aliki, e too le pulou lena.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.